Apríl 2024 | ||||||
S | M | Þ | M | F | L | |
31 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 1 | 2 | 3 | 4 |
Fyrri | Núna | Næsti |
Holtavörðuh. | 02:36 | 0 | 0°C |
Laxárdalsh. | 02:36 | 0 | 0°C |
Vatnsskarð | 02:36 | 0 | 0°C |
Þverárfjall | 02:36 | 0 | 0°C |
Kjalarnes | 02:36 | 0 | 0°C |
Hafnarfjall | 02:36 | 0 | 0°C |
13. apríl 2024 Klúðrið er víðaKlúðrið og bullið er víða í samfélaginu okkar og er af mörgu að taka. Ætla ég að nefna aðeins nokkur atriði. Landsbankaklúðrið í kringum kaupin á TM. Alveg er það merkilegt þegar embættis- menn telja sig geta tekið ákvarðanir um hvað sem þeim dettur í hug. ::Lesa |
Norðuland vestra er eitt veikasta svæði landsins í atvinnulegu tilliti. Atvinnuframboð er lítið, störf einhæf og laun lág. Þetta hefur gerst þrátt fyrir að svæðið búi við góðar samgöngur og sé tiltölulega vel staðsett gagnvart markaði. Atvinnuleysi hefur verið lítið á svæðinu sem stafar af því að íbúar sem misst hafa vinnuna hafa flutt í burtu til að leita nýrra atvinnutækifæra. Samtals hefur fækkað um 1000 manns í Skagafirði og Húnavatnssýslum frá árinu 1998 til ársins 2014. Þrátt fyrir ýmsar aðgerðir og nefndarskipanir hefur ekki tekist að snúa þessari þróun við, má þar eflaust kenna ýmsum ástæðum um, meðal annars ekki nógu mikilli samstöðu heimamanna en hún hefur orðið til þess að erfiðlega hefur reynst að ná eyrum ráðamanna.
Áhersla á Norðurland vestra
Nú er svo komið að ekki verður unað við að þessi landshluti verði áfram látinn sitja hjá þegar horft er til uppbyggingar í atvinnumálum þjóðarinnar. Nokkur breyting virðist vera orðin og ráðamenn hafa áttað sig á þörfinni sem meðal annars hefur birst með skipun nefnda til að leita leiða til að fjölga störfum og koma með tillögur um aðgerðir.
Nýting orkunnar frá Blöndu
Þegar Blönduvirkjun var í undirbúningi gáfu þáverandi stjórnvöld fyrirheit um að orkan frá Blöndu yrði meðal annars nýtt til atvinnu uppbyggingar á svæðinu, en ekki hefur verið staðið við þau fyrirheit enn sem komið er. Nú eru að skapast tækifæri sem stjórnvöld vonandi grípa fegins hendi. Hagkvæmni af því að selja orkuna frá Blöndu sem næst virkjuninni er mikil þar sem nýting orkunnar mun aukast, en orkutap verður verulegt á byggðalínum þegar orkan er flutt um langan veg.
Álver við Hafursstaði
Fyrirtækið Klappir er tilbúið að reisa 120 þús. tonna álver við Hafurstaði í Skagabyggð, en aðalskipulag gerir ráð fyrir lóð þar sem hentað getur fyrir slíka starfsemi. Staðurinn er mjög heppilegur fyrir slíka starfsemi. Atvinnusókn ætti að vera auðveld af öllu svæði Norðurlands vestra vegalengd frá Sauðárkróki er um 40 km, um 70 km frá Hvammstanga og örstutt frá Blönduósi og Skagaströnd. Undirbúningur er langt kominn, hugmyndir að útfærslu liggur fyrir og í síðustu viku var skrifað undir viljayfirlýsingu um fjármögnun milli Klappa, NFC og China Development Bank. Það sem reynist óleyst er fyrst og fremst samningur um orku fyrir starfsemina, ekki ætti að vefjast fyrir ráðamönnun að leysa þau mál innan þess tíma sem nauðsynlegur er.
Samstaða og raunhæf bjartsýni er aflið sem virkar
Það sem þarf til að þetta verkefni verði að veruleika er samstaða, áræðni, raunhæf bjartsýni og trú á landið. Íbúar svæðisins mega ekki sleppa þessu tækifæri. Það hafa ekki skapast önnur tækifæri sem uppfyllt geta betur þarfir svæðisins. Ef sú samstaða skapast er útilokað að ráðamenn þjóðarinnar sleppi þessu tækifæri, ekki veitir af að auka verðmætasköpun í landinu auk þess að nálgast jafnvægi í byggð landsins. Skora ég á alla framfarasinna að taka saman höndum og leggja sitt af mörkum til að hrinda verkefninu í framkvæmd til hagsbóta fyrir svæðið og einnig fyrir land og þjóð. Látum ekki úrtöluraddir eyðileggja þetta tækifæri - neikvæðni og úrtölur hafa aldrei skilað neinu.
Valgarður Hilmarsson forseti sveitarstjórnar Blönduós.
Fréttir | 18. apríl 2024 - kl. 20:37
Húnaþing vestra og Leigufélagið Bríet hafa undirritað viljayfirlýsingu um uppbyggingu leiguíbúða í Húnaþingi vestra. Í yfirlýsingunni lýsa aðilar yfir vilja til samstarfs um uppbyggingu leiguíbúða í sveitarfélaginu auk þess sem Húnaþing vestra leggur til íbúðir í sinni eigu í gegnum svokölluð yfirtökuverkefni. Viljayfirlýsing þessi kemur til viðbótar samkomulagi sem undirritað var á dögunum milli innviðaráðuneytis, Húnaþings vestra og HMS um uppbyggingu allt að 50 íbúða til sölu og leigu á næstu fimm árum.
|
Fréttir | 18. apríl 2024 - kl. 20:23
Árleg kökukeppni Undirheima, sem er félagsmiðstöð fyrir unglinga í Höfðaskóla, var haldin í gærkvöldi. Keppendur voru tólf talsins og voru tveir til þrír saman í hóp. Skreyta þurfti kökurnar á staðnum og höfðu keppendur 60 mínútur til þess að ljúka verkinu. Að því loknu valdi þriggja manna dómnefnd þrjú efstu sætin sem frumlegustu kökuna, besta bragðið og fallegustu kökuna. Að hennar sögn var valið ekki auðvelt. Sagt er frá þessu á vef Skagastrandar.
|
Fréttir | 18. apríl 2024 - kl. 06:05
Lið Grunnskóla Húnaþings vestra er komið í úrslit Skólahreysti en keppt var í Laugardagshöll og sýnt beint á RÚV. Liðið stóð sig frábærlega og sigraði riðilinn sinn. Úrslitakeppnin fer fram 25. maí næstkomandi. Lið Grunnskóla Húnaþings vestra skipa þau Friðrik Hrafn Hannesson, Saga Ísey Þorsteinsdóttir, Victor Þór Sigurbjörnsson, Nóa Sophia Ásgeirsdóttir, Indriði Rökkvi Ragnarsson og Victoría Elma Vignisdóttir.
|
Fréttir | 18. apríl 2024 - kl. 05:59
Viðbragðsaðilar á Norðurlandi vestra stefna á að halda hópslysaæfingu 11. maí næstkomandi. Hluti hópsins hittist á Blönduósi í fyrradag og æfðu viðbragð við flugslysi og rútuslysi, þar sem settar voru upp tvær borðæfingar. Æfingarnar eru undirbúningur fyrir stóru æfinguna í maí og er samvinna lykilinn að góðri útkomu, eins og segir á facebooksíðu Lögreglunnar á Norðurlandi vestra. „Samhæft viðbragð skilar betri þjónustu til borgaranna.“
|
Fréttir | 17. apríl 2024 - kl. 06:10
Sigríður Ỏlafsdóttir úr Húnaþingi vestra var endurkjörin formaður kjördæmisráðs Sjálfstæðisflokksins í Norðvesturkjördæmi en ráðið hélt aðalfund sinn á Laugum í Sælingsdal um síðustu helgi. Á fundinum var samþykkt stjórnmálaályktun þar sem meðal annars er komið inn á að atvinnufrelsi og eignarréttur sé órjúfanlegur hluti frjáls samfélags og forsenda þess að hægt sé að tryggja jöfn tækifæri í landinu.
|
Fréttir | 16. apríl 2024 - kl. 14:48
Tilkynning frá Háskólanum á Hólum
Háskólinn á Hólum hlýtur Byggðagleraugu Samtaka sveitarfélaga á Norðurlandi vestra fyrir framsækið og metnaðarfullt starf. Námið við háskólann er sértækt að því leyti að það byggir á traustum grunni fyrir mikilvægar framtíðar atvinnugreinar í samfélaginu þar á meðal íslenska hestinn, ferðaþjónustu í dreifbýli og fiskeldi, en skólinn hefur dregið til sín nemendur víðsvegar að úr heiminum. Í Háskólanum á Hólum er öflugt háskólastarf sem er í stöðugum vexti og nýsköpun.
|
Fréttir | 16. apríl 2024 - kl. 05:32
Sveitarfélagið Skagaströnd heldur íbúafund í Fellsborg miðvikudaginn 17. apríl klukkan 17:00. Á dagskrá eru fjölmörg mál eins og staðan á hafnarframkvæmdum, breyting á námsstofu, sorpmál, vinnuskóli, gjaldskrár og kjarasamningar.
|
Fréttir | 16. apríl 2024 - kl. 05:27
Sr. Sigríður Gunnarsdóttir sóknarprestur í Skagafjarðarprestakalli hefur verið skipuð prófastur í Húnavatns- og Skagafjarðarprófastsdæmi. Hún tekur við af sr. Döllu Þórðardóttur á Miklabæ, sem lét af störfum 1. desember síðastliðinn. Frá þeim tíma hefur sr. Gísli Gunnarsson vígslubiskup á Hólum gegnt prófstsstörfum.
|
Tilkynningar | 16. apríl 2024 - kl. 05:17
Frá Félagi eldri borgara í Húnaþingi vestra
Aðalfundur Félags eldri borgara í Húnaþingi vestra verður haldinn miðvikudaginn 17. apríl 2024 klukkan 14:00 í Félagsheimilinu á Hvammstanga. Á dagskrá eru venjuleg aðalfundarstörf, skýrsla og tillögur ferðanefndar og margt fleira. Unnur Valborg Hilmarsdóttir sveitarstjóri verður gestur fundarins. Kaffiveitingar að hætti kaffinefndar. Nýir félagar ávallt velkomnir.
|
Tilkynningar | 16. apríl 2024 - kl. 05:13
Frá stjórn
Aðalfundur Hollvinasamtaka heilbrigðisstofnunarinnar á Blönduósi verður haldinn í fundarsal HSB föstudaginn 26. apríl næstkomandi klukkan 16.00.
Dagskrá: Venjuleg aðalfundarstörf.
|
Fréttir | 15. apríl 2024 - kl. 09:43
Knattspyrnulið Kormáks Hvatar mætti í Fífuna í Kópavogi í gær og spilaði gegn Augnabliki í 2. umferð Mjólkurbikarsins. Leikurinn fór fjörlega af stað og vel fyrir gestina því Papa Diounkou Tecagne skoraði fyrsta mark leiksins á 9. mínútu. Heimamenn voru ekki lengi að svara með marki á 13. mínútu og öðru marki á 31. mínútu. Staðan í hálfleik 2-1 fyrir Augnablik. Í seinni hálfleik voru skoruð fjögur mörk, þrjú af heimamönnum og einn af gestunum, en það gerði Kristinn Bjarni Andrason. Leikurinn endaði því 5-2 fyrir Augnablik.
|
Pistlar | 14. apríl 2024 - kl. 17:16
Eftir Inga Heiðmar Jónsson
Úr dagbók Jónasar Tryggvasonar í Finnstungu fyrir 79 árum: Sun. 8. apríl 1945: Bar lítið til tíðinda. Skagfirska skáldkonan Ỏlína Jónasdóttir er sextug í dag. Vísur hennar eru löngu landfleygar og á hvers manns vörum, þess er yndi hefur af snilld fagurrar stöku. Ég hef ekki, svo ég muni til, heyrt vísu eftir Ỏlínu, sem ekki hafi verið vel gerð, en meiri eða minni snilldarbragur er á þeim flestum ...
|
Pistlar | 13. apríl 2024 - kl. 16:15
Eftir / Written af / by Morgan C. Bresko
Þegar við hugsum um leiðir til að bæta heilsu samfélagsins þá hugsum við ekki alltaf um aðgengi að listum. En þegar við hugsum um það þá eru listir ein tegund tilfinningatjáningar. Hvort sem það er hamingja eða örvænting þá er það nauðsynlegt að hafa útrás til að nálgast tilfinningar á heilbrigðan og öruggan hátt. Samfélög sem styðja við listir, koma saman til að skapa list saman, hafa sýnt sig að vera tengdari
|
Fréttir | 13. apríl 2024 - kl. 10:27
Þrítugasta og annað ársþing Samtaka sveitarfélaga á Norðurlandi vestra var haldið á fimmtudaginn í Félagsheimilinu á Blönduósi og heppnaðist vel, að því er segir á vef samtakanna. Góð mæting var á þingið en á meðal gesta voru kjörnir fulltrúar á Norðurlandi vestra og formaður Sambands íslenskra sveitarfélaga. Fjölbreytt og áhugaverð erindi voru flutt og ný samgöngu- og innviðaáætlun kynnt. Fram kemur á vef SSNV að frekari upplýsinga er að vænta um það sem fram fór á þinginu.
|
02. apríl 2023 Sjö leiðir til að létta þér þrifin í vor og sumarNú er vorið komið og sumarið framundan og þá er ekki úr vegi að koma með nokkur góð húsræða. ::Lesa |
03. febrúar 2023 Á ferðalagiGuðmundur var að spjalla við Tóta, bróður sinn í Kaliforníu. ::Lesa |