Til baka
| Apríl 2024 | ||||||
| S | M | Þ | M | F | L | |
| 31 | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 1 | 2 | 3 | 4 |
| Fyrri | Núna | Næsti | ||||
| Holtavörðuh. | 11:25 | 0 | 0°C |
| Laxárdalsh. | 11:25 | 0 | 0°C |
| Vatnsskarð | 11:25 | 0 | 0°C |
| Þverárfjall | 11:25 | 0 | 0°C |
| Kjalarnes | 11:25 | 0 | 0°C |
| Hafnarfjall | 11:25 | 0 | 0°C |
13. apríl 2024 Klúðrið er víðaKlúðrið og bullið er víða í samfélaginu okkar og er af mörgu að taka. Ætla ég að nefna aðeins nokkur atriði. Landsbankaklúðrið í kringum kaupin á TM. Alveg er það merkilegt þegar embættis- menn telja sig geta tekið ákvarðanir um hvað sem þeim dettur í hug. ::Lesa |
Hröslulegt tal og herfilegar sögur finnast í safni Jóns Árnasonar, þar er náma handa þeim sem skoða vilja málfar frá nítjándu öld, sagnasmekk og átrúnað. Fjölda vísna og tilsvara er þar að finna, m.a.s. stundum áminnandi:
Lastaðu ekki nefið mitt hið forna
ekki skapti sjálfa sig
ein heiðarlig
seimþorn norna.
Örnefnavísur lifa vel og er skjótast að benda á sveitavísur sýsluskrifarans Guðmundar Einarssonar á Ytri-Ey. En þjóðsögurnar geyma líka marga örnefnavísuna:
Eru í hrauni Ögmundar
ótal margir þröskuldar
fákar meiða fæturna
og fyrir oss brjóta skeifurnar.
Leirulækjar-Fúsi á í þjóðsögunum bæði vísur og leggur til efni í sögur. Hann uppnefndi fólkið sem ætlaði til altaris í Álftaneskirkju á Mýrum og er sagður hafa laumað miða með vísunni inn í handbók prestsins:
Nikulás langi
með hund í fangi;
Halldór krakur,
baulubakur;
Valgerður flæða,
Lambastaða-læða;
Imba pula,
Valka gula,
Kristín skita
sem allt vildi vita;
Gunna pysja,
tíkin Ysja
og Krunki.
En annað rit tengt Jóni Árnasyni er tekið saman af Finni Sigmundssyni landsbókaverði og ber það hógværa heiti: Úr fórum Jóns Árnasonar og er í tveim heftum, sendibréf þeirra Jónanna, safnara og forseta, Benedikts Gröndal, nokkur frá feðrum skólapilta, sum austan af landi og svo frá þeim er skráðu sögur og vísur og sendu Jóni. Já, Konrad Maurer fær þarna bréf og svo mætti áfram telja. Mikinn fróðleik er þarna af finna um bréfritara og atburði frá þessum tíma.
Bréfabækur eru skemmtilegar. Kannski þarf lesandinn að komast á ákveðið aldursstig til að njóta þeirra. Bækurnar er góður gluggi til að virða fyrir sér þá baráttu sem beið Jóns, drengsins norðan af Skaga sem stundaði skriftir í Reykjavík alla ævina og skilaði miklu starfi og stórum arfi til menningar Íslendinga.
Jóns Árnasonar ætlum við að minnast n.k. sunnudag í messu á Hofi kl. 14. Staðarpresturinn, sr. Bryndís Valbjarnardóttir, stígur í stólinn, almennur safnarsöngur verður, en hálftíma fyrir athöfnina hefst leikur á orgel kirkjunnar. Messukaffi verður í Skagabúð að lokinni athöfn.
Tilvísanir:
Vísur úr Þjóðsögum JÁ: http://bragi.info/hunafloi/vardveisla.php?U=i2&ID=7434
GE sýsluskrifari: http://bragi.info/hunafloi/hofundur.php?U=g0&ID=15618
Eru í hrauni Ögmundar: http://bragi.info/hunafloi/visur.php?VID=27504 Leirulækjar-Fúsi: http://bragi.info/hunafloi/visur.php?VID=26347
Halldóra Bjarnadóttir segir frá Jóni frænda sínum: http://stikill.123.is/blog/2014/12/02/halldora-bjarnadottir-segir-fra-joni-franda-s/
Síðasta stökuspjall: http://www.huni.is/index.php?cid=13020
Séra Jónmundur: https://is.wikipedia.org/wiki/J%C3%B3nmundur_Halld%C3%B3rsson
Þegar fólk við drykk og dufl: http://bragi.info/hunafloi/visur.php?VID=27373
Aukavers: Jónmundur Halldórsson var lengi prestur hjá Grunnvíkingum og segir Guðrún Ása frá honum í Árbók FÍ 1994. Þar er að finna hvatningarvísu eða kannski er réttara að kalla versið sjálfshjálpar- eða sjálfsnægtavísu:
Þegar fólk við drykk og dufl
drabbar suður í löndum
saumum við okkur sálarkufl
úr sólskini norður á Ströndum.
Ingi Heiðmar Jónsson
 Fréttir | 23. apríl 2024 - kl. 13:50
Nöfn Pálínu Fanneyjar Skúladóttur og Harðar Gunnarsson voru dregin upp úr potti í tengslum við kosningu á fimm tillögum af slagorði fyrir Húnaþing vestra. Þátttakendur í kosningunni gátu skráð netfang sitt og tekið þátt í happdrættinu og í boði var 10 þúsund króna gjafabréf á veitingastað í sveitarfélaginu. Pálína og Hörður völdu gjafabréf á Northwest í Víðigerði. Slagorðið sem varð hlutskarpast er Lifandi samfélag og hefur sveitarstjórn samþykkt tillöguna.
|
 |
Frá Bjarmanesi á Skagaströnd. Mynd: FB/Lögreglan á Norðurlandi vestra
Fréttir | 23. apríl 2024 - kl. 10:49
Í gærkvöldi sóttu vettvangsliðar á Skagaströnd fræðslu um ofbeldi í nánum samböndum, einkenni þess og mögulegar birtingarmyndir. Fræðslan var á vegum Lögreglunnar á Norðurlandi vestra en unnin í nánu samstarfi við félagsþjónustu svæðisins. Fleiri einingar viðbragðsaðila í umdæminu munu sitja sams konar fræðslu á næstu vikum, að því er segir á facebooksíðu lögreglunnar. Fræðslan í kvöld fór fram í Bjarmanesi þar sem eitt sinn var lögreglustöð.
|
 Fréttir | 23. apríl 2024 - kl. 10:42
Árlegir vortónleikar Tónlistarskóla Austur-Húnvetninga eru framundan enda vorið og sumarið á leiðinni í Húnavatnssýslurnar. Fyrstu tónleikarnir fara fram í Blönduóskirkju þriðjudaginn 30. apríl klukkan 20 en þar koma fram söngnemendur úr Húnabyggð. Þriðjudaginn 7. maí klukkan 17 verða tónleikar í Hólaneskirkju og þar koma fram hljóðfæra- og söngnemendur úr Skagabyggð og frá Skagaströnd.
|
 Tilkynningar | 23. apríl 2024 - kl. 10:30
Aðalfundur Stéttarfélagsins Samstöðu 2024 verður haldin mánudaginn 29.apríl klukkan 18:00 í sal Samstöðu, Þverbraut 1 á Blönduósi. Félagsmenn eru hvattir til að mæta.
|
 Tilkynningar | 23. apríl 2024 - kl. 10:26
Frá stjórn
Aðalfundur Styrktarsjóðs Húnvetninga verður haldinn að Þverbraut 1 (Samstöðu) klukkan 17:00 fimmtudaginn 2. maí næstkomandi. Venjuleg aðarfundarstörf.
|
 Fréttir | 21. apríl 2024 - kl. 21:23
Frá Kvenfélagi Svínavatnshrepps
Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað. Fyrir tíu árum þegar kvenfélagið varð 140 ára héldu konur í félaginu hóf og einnig handverkssýningu í Dalsmynni.
|
 Fréttir | 21. apríl 2024 - kl. 18:37
Hátíðarhöld í tilefni sumardagsins fyrsta á Hvammstanga í ár verða enn fjölbreyttari en áður. Hátíðin er haldin af Félagi eldri borgara í Húnaþingi vestra í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00, fimmtudaginn 25 apríl. Síðan verður haldið upp á sumardaginn fyrsta á hefðbundinn hátt með skrúðgöngu frá Reiðhöllinni Þytsheimum klukkan 14:00.
|
Bréf Margrétar á Hóli
Pistlar | 20. apríl 2024 - kl. 16:59
73. þáttur. Eftir Jón Torfason
Stjórnarherrar landanna höfðu í aldanna rás lengstum ekki mikil afskipti af þegnum sínum, létu sér nægja að hirða af fólki hluta af þeim arði sem það framleiddi og krafði svo með nokkuð jöfnu millibili hluta af karlpeningnum til þjónustu í herjum sínum til vígaferla og ránsferða. Auk þess höfðu stjórnvöld mikinn áhuga á að segja fólki á hvað það skyldi trúa. Heilbrigðismál, skólamál og félagsþjónusta komu lítið inn á borð stjórnarherranna en var á vegum einstaklinga og ættmenna, kirkjunnar og, a.m.k. á Íslandi, hreppa.
|
Bóka- og skjalasafnið á Blönduósi
Pistlar | 20. apríl 2024 - kl. 11:58
Eftir Inga Heiðmar Jónsson
Á miðvikudegi þann 8. maí, boðum við aðalfund Sögufélagsins Húnvetnings, kl. 15, þ.e. á nóni í Bóka- og skjalasafninu Blönduósi. Þar munu þau Svala skjalavörður Runólfsdóttir og Benedikt Blöndal segja frá og sýna okkur árangur starfs þeirra hjóna við að safna upplýsingum um minnismerki í Austur-Húnavatnssýslu síðustu misserin. Einnig mun Hjalti Pálsson sagnfræðingur koma til okkar á fundinn og segja okkur frá upphaflegum tillögum og umræðu sem leiddu til þess stórvirkis sem Byggðasaga Skagfirðinga varð í höndum hans.
|
Mynd: vedur.is
Fréttir | 19. apríl 2024 - kl. 21:12
Gular veðurviðvaranir taka gildi á morgun allt frá Breiðafirði, um Vestfirði, allt Norðurland og austur á firði, vegna talsverðrar rigningar og asahláku á morgun og fram á aðfaranótt sunnudags. Á vef Veðurstofunnar segir að vegna ört hækkandi hitastigs megi búast við miklum leysingum, auknu afrennsli og vatnavöxtum í ám og lækjum. Mikilvægt sé að hreinsa frá niðurföllum til að forðast vatnstjón vegna rigningar og leysingavatns.
|
 Fréttir | 19. apríl 2024 - kl. 20:56
Verkalýðsmálaráð Samfylkingarinnar boðar til málstofu um húsnæðis- og kjaramál, laugardaginn 20. apríl klukkan 09:00 í húsnæði stéttarfélagsins Samstöðu að Þverbraut 1 á Blönduósi. Frummælendur verða Þórarinn Sverrisson, formaður Öldunnar, stéttarfélags í Skagafirði, Ásgerður Pálsdóttir, fyrrverandi formaður Samstöðu og núverandi formaður Félags eldri borgara á Blönduósi og Finnbogi Sveinbjörnsson, formaður Verkalýðsfélags Vestfjarða.
|
 Fréttir | 19. apríl 2024 - kl. 12:07
Sunnudaginn 28. apríl verða haldnir tónleikar í Blönduóskirkju þar sem kirkjukórinn mun syngja nokkur hugljúf vorlög undir stjórn Eyþórs Franzsonar Wechner organista. Jafnframt mun Eyþór sýna snilli sína og leyfa okkur að heyra hvað orgelið hefur upp á að bjóða.
|
Helgi Haukur Helgason, framkvæmdastjóri Bríetar og Unnur Valborg Hilmarsdóttir, sveitarstjóri Húnaþings vestra. Mynd. hunathing.is
Fréttir | 18. apríl 2024 - kl. 20:37
Húnaþing vestra og Leigufélagið Bríet hafa undirritað viljayfirlýsingu um uppbyggingu leiguíbúða í Húnaþingi vestra. Í yfirlýsingunni lýsa aðilar yfir vilja til samstarfs um uppbyggingu leiguíbúða í sveitarfélaginu auk þess sem Húnaþing vestra leggur til íbúðir í sinni eigu í gegnum svokölluð yfirtökuverkefni. Viljayfirlýsing þessi kemur til viðbótar samkomulagi sem undirritað var á dögunum milli innviðaráðuneytis, Húnaþings vestra og HMS um uppbyggingu allt að 50 íbúða til sölu og leigu á næstu fimm árum.
|
Mynd. skagastrond.is
Fréttir | 18. apríl 2024 - kl. 20:23
Árleg kökukeppni Undirheima, sem er félagsmiðstöð fyrir unglinga í Höfðaskóla, var haldin í gærkvöldi. Keppendur voru tólf talsins og voru tveir til þrír saman í hóp. Skreyta þurfti kökurnar á staðnum og höfðu keppendur 60 mínútur til þess að ljúka verkinu. Að því loknu valdi þriggja manna dómnefnd þrjú efstu sætin sem frumlegustu kökuna, besta bragðið og fallegustu kökuna. Að hennar sögn var valið ekki auðvelt. Sagt er frá þessu á vef Skagastrandar.
|
Prenta
02. apríl 2023 Sjö leiðir til að létta þér þrifin í vor og sumarNú er vorið komið og sumarið framundan og þá er ekki úr vegi að koma með nokkur góð húsræða. ::Lesa |
03. febrúar 2023 Á ferðalagiGuðmundur var að spjalla við Tóta, bróður sinn í Kaliforníu. ::Lesa |