Fyrri mynd
Nćsta mynd
...
Húnahorniđ
Open Menu Close Menu
Mánudagur, 27. mars 2017
Landbankinn
huni.is - RSS-efnisveita
 
Á döfinni
Mars 2017
SMŢMFFL
2627281234
567891011
12131415161718
19202122232425
2627282930311
FyrriNúnaNćsti
Veðurstofa Íslands
Blönduós 10:00 SA 3  1°C
Reykir í Hr 10:00 S 3  2°C
Reykjavík 10:00 ASA 1  2°C
Akureyri - 10:00 SA 5  1°C
Egilsstaðaf 10:00 SV 2  2°C
Haugur 10:00 SSA 3  0°C
Holtavörðuh 10:00 SSA 2  -1°C
Þverárfjall 10:00 VSV 3  -1°C
Laxárdalshe 10:00 SV 2  0°C
Brúsastaðir 10:00 SSA 3  1°C
Vegagerðin
Holtavörðuheiði 10:40 S 3  -2 °C
Laxárdalsheiði 10:30 SV 2  0 °C
Vatnsskarð 10:30 S 4  -2 °C
Þverárfjall 10:30 SV 3  -2 °C
Kjalarnes 10:40 NV 1  3 °C
Hafnarfjall 10:30 NNA 1  1 °C
VegagerðinVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
13. mars 2017
Marsnöldur
Aldrei hefði ég getað látið mér detta í hug öll þau ógrynni af pappír og plastumbúðum sem geta safnast saman á einu heimili í viku hverri. Þetta hefur orðið vel sýnilegra eftir að farið var að flokka ruslið í margar tunnur/poka.
::Lesa

Northwest.is


SSNV

Leita í netfangaskrá
 
Eftir Inga Heiðmar Jónsson
27. mars 2017
Eftir Bjarna Jónsson
23. mars 2017
Eftir Guðjón S. Brjánsson
23. mars 2017
Eftir Inga Heiðmar Jónsson
16. mars 2017
Eftir Inga Heiðmar Jónsson
13. mars 2017
Eftir Lilju Rafneyju Magnúsdóttur
10. mars 2017
Eftir Inga Heiðmar Jónsson
06. mars 2017
Eftir Inga Heiðmar Jónsson
27. febrúar 2017

tilk_web.gif


Þingeyrakirkja
Þingeyrakirkja
Pistlar | 01. febrúar 2017 - kl. 09:56
Stökuspjall: Loksins fann ég feikna auð
Eftir Inga Heiðmar Jónsson

Vinsemd þín, nú veit ég það
var mér besta gjöfin.
Framar skilur okkur að 
ekkert nema gröfin.

segir Guttormur við Ísland -- og gat sagt það, hann gat talað við landið, hann bjó í öðru landi og hann hafði tekið þá erfiðu ákvörðun að hverfa frá sínu. Ljóðabók Guttorms var fyrir augum mér í uppvextinum, en opnaði hana aldrei eða velti því fyrir mér til hvers Jónas frændi væri að eiga þessa bók. Aftur hafði Jón bróðir hans uppáhald á vísum Káins og barnabörn hans minnast þess hve gaman var að heyra hann hampa ruglvísunni, sem Káinn kallar hringhenda hlunkhendu:

Það sem ég meina, sérðu, sko! –
vera ekki að neinu rugli;
bara að reyna að drepa tvo
steina með einum fugli. 

 Og Guttormur yrkir glæsilega um þennan kollega sinn:

K. N. eys af brunni birgða
brautir þeysir allra jarða.
Þessi Geysir gamanyrða
Guði reisir minnisvarða.

En Káinn flutti úr Eyjafirði, Guttormur af Austurlandi og mörgum þegnum máttu byggðirnar við Húnaflóa sjá á bak meðan Vesturfarir stóðu. En þeir komu einhverjir aftur heim, kannski bara í skrifum sínum eins og Erlendur á Mörk.

Einn rithöfundurinn til, Hulda Stefánsdóttir, var ekki bara húsmóðir og gestgjafi á fjölmennu heimili í þjóðbraut, þ.e. á Þingeyrum, hún stýrði líka Kvennaskólanum á Blönduósi og síðar Húsmæðraskóla Reykjavíkur í 12 ár en kom þá aftur til Kvennaskólans. Fjórar bækur fullar af fróðleik skrifar hún um samferðamenn sína. Hún fléttar þar vel við skemmtisögur, vísur og setningar sem hafðar voru eftir þeim orðheppnu eða sérlegu. Hún varð organisti í kirkjunni á Þingeyrum og segir þannig frá því:

„Þegar Erlendur Erlendsson brá búi á Hnausum og flutti til Reykjavíkur, vantaði organista í Þingeyrakirkju. Enginn í sveitinni vildi takast þann vanda á hendur og endaði það með því að ég spilaði í kirkjunni allmörg ár og æfði sönginn. Þá voru bara karlmenn í kórnum, ungir menn úr sveitinni og svo blessaður meðhjálparinn, Sigurður Erlendsson frá Stóru-Giljá." Hulda rifjar upp hreppsnefndarstörf manns síns, Jóns S. Pálmasonar á Þingeyrum sem lengi var í nefndinni og oddviti hennar 1928-1958. Hún rekur sögu gangnaseðilsins, sem kostaði heilan dag hjá nefndinni að semja og annan dag að skrifa þó Jón ætti ritvél, en tvírita þurfti seðilinn og annar var opnaður á Litlu-Giljá og gekk rétta boðleið fram í Hjallaland. Hinn var sendur frá Helgavatni og gekk þaðan út í Geirastaði meðan þeir voru í byggð. 

 Vatnsnesingurinn Ólöf frá Hlöðum orti:

Lengi var ég lítil, snauð
lagðist þungt í efa.
Loksins fann ég feikna auð
– fékk hann til að gefa.  

Hulda Pálsdóttir á Höllustöðum sótti sér menntun til kvennaskólans og í gagnfræðaskólann á Akureyri og stundaði barnakennslu áður en hún stofnaði heimili. Hún segir umbúðalaust frá misrétti kynjanna:„Til að byrja með var skopast bæði að kvenfélögum og kvennaskólum og þó meira að kvenfélögum, því í þá daga þóttu konur standa svo mikið að baki karla og hafa hvorki félagsþroska né vit til að vinna að opinberum málum, enda höfðu þær ekki fjárráð, ekki einu sinni yfir þeim eignum sem þær fengu í arf. " 

Önnur þjóðþekkt kona, Elínborg frá Tunguhálsi, var á skólanum og hefur arfleitt okkur af litskrúði minninga frá þeim tíma.

               Lokavísa: 

Að skrifa er mér yndi
og óskastund svo kær.
Þá leikur allt í lyndi
og lífið við mér hlær. Pétur Jakobsson

Ingi Heiðmar Jónsson

Vísað til:
Guttormur: http://bragi.info/hunafloi/visur.php?VID=29021 
Káinn: http://bragi.info/hunafloi/visur.php?VID=29023 
Erlendur Guðmundsson: http://stikill.123.is/blog/2009/01/08/337776/
Hulda á Höllustöðum segir frá kvennaskólaári sínu: 
http://stikill.123.is/blog/2014/07/02/vetur-a-kvennaskolanum---hp/ 
Elínborg Lárusdóttir: http://stikill.123.is/blog/2014/02/06/elinborg-larusdottir-i-kvennaskolanum-a-blond/ 

Höf. rzg
Jón í Ártúnum. Ljósm: stikill.123.is
Jón í Ártúnum. Ljósm: stikill.123.is
Pistlar | 27. mars 2017 - kl. 09:21
Eftir Inga Heiðmar Jónsson
„Héðinn stóð einn" sungu Gamlir fóstbræður í Blönduóskirkju á laugardag, en félagar þeirra í Karlakór Bólstaðarhlíðarhrepps tóku móti þeim og sungu með þeim nokkur lög, þar á meðal lagið Brimlendingu eftir Áskel Jónsson sem Skarphéðinn Einarsson, heimasöngstjórinn, stjórnaði. Stjórnandi gestakórsins, Árni Harðarson, lék þá undir á flygilinn.
Er styrkur í þér mars 2017
Frá landsþinginu. Ljósm: innanrikisraduneyti.is
Frá landsþinginu. Ljósm: innanrikisraduneyti.is
Fréttir | 25. mars 2017 - kl. 08:10
Jón Gunnarsson, samgöngu- og sveitarstjórnarráðherra vill sjá ákveðna hvata innbyggða í tekjustofnakerfi sveitarfélaga sem styddi betur við sameiningu þeirra. Tryggja þurfi að reglur Jöfnunarsjóðs sveitafélaga hjálpi vel þeim sveitarfélögum sem vilja sameinast og leitað verði leiða til að tryggja að slíkar sameiningar styrki stöðu sveitarfélaga sem ein meginstoð velferðar íbúanna.
Glaðheimar
Tilkynningar | 24. mars 2017 - kl. 13:36
Í kvöld klukkan 19:00 verður keppt í fjórgangi og T7 í Reiðhöllinni Arnargerði. Ráslista má nálgast inn á vef hestamannafélagsins Neista, www.neisti.net. Stjórn Neista bíður upp á pizzur. Vonumst til að sjá sem flesta hestamenn og hestaáhugafólk. Keppt verður í fjórgangi, í flokki unglinga 16 ára og yngri, áhugamanna flokki og opnum flokki. Þá verður keppt í T7 í öllum flokkum.
Pistlar | 23. mars 2017 - kl. 21:51
Eftir Bjarna Jónsson
Í ræðu minni á Alþingi um vegamál lagði ég áherslu á tafarlausar úrbætur á Vatnsnesvegi og fleiri sveita- og héraðsvegum í Húnavatnssýslum. Það þarf aðgerðir strax. Bílveltur á Skógarstrandarvegi, Vatnsnesvegur svo holóttur að nálgast hættumörk. Vegurinn út á Reykjaströnd ófær vegna aurs og skriðufalla. Svona mætti áfram telja. Þannig hljómuðu fréttirnar dag eftir dag í haust.
Pistlar | 23. mars 2017 - kl. 16:50
Eftir Guðjón S. Brjánsson
Skyldur og ábyrgð velferðarráðuneytisins um forvarnir fellur undir ábyrgðasvið heilbrigðisráðherra og hann sem slíkur ber ábyrgð á forvörnum og lýðheilsu samkvæmt forsetaúrskurði. Með lýðheilsu er átt við aðgerðir hins opinbera og annarra sem miða að því að viðhalda og bæta heilbrigði, líðan og aðstæður einstaklinga, þjóðfélagshópa og þjóðarinnar í heild. Unnið er að þessu með heilsueflingu, forvörnum og heilbrigðisþjónustu og markmiðið er að efla og bæta lýðheilsu.
Gunnar Örn og Sigríður Á. Ljósm: innanrikisraduneyti.is
Gunnar Örn og Sigríður Á. Ljósm: innanrikisraduneyti.is
Fréttir | 22. mars 2017 - kl. 21:33
Sigríður Á. Andersen dómsmálaráðherra hefur skipað Gunnar Örn Jónsson í embætti lögreglustjóra á Norðurlandi vestra frá 1. apríl næstkomandi og afhenti hún honum skipunarbréf í dag. Embættið var auglýst í janúar og rann umsóknarfrestur út 30. janúar. Níu manns sóttu um embættið og ein umsókn til viðbótar var dregin tilbaka. Gunnar Örn Jónsson útskrifaðist með embættispróf í lögfræði frá Háskóla Íslands árið 2003 og öðlaðist málflutningsréttindi 2005.
Tilkynningar | 22. mars 2017 - kl. 20:25
Frá sveitarstjóra Skagastrandar
Sveitarstjórn Skagastrandar hefur ákveðið að auglýsa Fellsborg og Tjaldstæðið Höfðahólum til leigu auk Bjarmaness sem áður hefur verið auglýst. Mögulegt er að óska eftir leigu á öllum þessum einingum, tveimur saman eða hverri fyrir sig. Sveitarstjórn mun meta umsóknir með tilliti til þess hvaða nýir möguleikar kunni að liggja í samningum um einstakar einingar eða allar saman.
Fréttir | 22. mars 2017 - kl. 20:22
Þann 30. mars leggur Vorlestin af stað hringinn í kringum landið. Vorlestin er verkefni sem Jötunn Vélar á Selfossi stendur fyrir ásamt fjórum öðrum fyrirtækjum sem leggja land undir fót og kynna vörur og þjónustu fyrirtækjanna. Auk Jötuns eru það Lífland, Mjöll/Frigg, Landsbankinn og Skeljungur. Alls verður stoppað á fimmtán stöðum umhverfis landið næstu sjö dagana en hringnum verður lokað á Selfossi þann 4. maí. Vorlestin kemur við í Húnaþingi mánudaginn 3. apríl.
Skjáskot af vef Alþingis
Skjáskot af vef Alþingis
Fréttir | 21. mars 2017 - kl. 21:30
Bjarni Jónsson, varaþingmaður fyrir Vinstri hreyfinguna grænt framboð í Norðvesturkjördæmis tók sæti á Alþingi í gær í fyrsta sinn, í fjarveru Lilju Rafneyjar Magnúsdóttur. Bjarni er ættaður af Ströndum og úr Húnavatnssýslum en ólst upp í Bjarnarhöfn á Snæfellsnesi til 15 ára aldurs er hann fluttist með fjölskyldu sinni að Hólum í Hjaltadal.
Fréttir | 21. mars 2017 - kl. 13:57
Húsfyllir var á tónleikum Karlakórs Bólstaðarhlíðarhrepps í Blönduóskirkju í gærkvöldi. Kórinn hefur nú lokið í bili flutningi sínum á verkefninu „Bó og meira til“, en haldnir voru þrennir tónleikar á Norðurlandi vestra. Á Facebook síðu kórsins segir að karlakórsmenn séu alveg í skýjunum með viðtökurnar og að stefnt sé á suðurferð með verkefnið. Ekki hefur verið tekin ákvörðun um hvenær það verður.
Karlakórinn Gamlir fóstbræður
Karlakórinn Gamlir fóstbræður
Fréttir | 20. mars 2017 - kl. 19:27
Karlakórinn Gamlir fóstbræður heldur tvenna tónleika í Húnaþingi um næstu helgi. Þeir fyrri fara fram í Blönduóskirkju, laugardaginn 25. mars klukkan 16 og þeir seinni í Félagsheimilinu Hvammstanga. sunnudaginn 26. mars klukkan 16. Stjórnandi kórsins er Árni Harðarson og einsöngvari Þorgeir J. Andrésson. Aðgangseyrir er kr. 2.000 en kr. 1.000 fyrir eldri borgara.
Frá Blönduósi
Frá Blönduósi
Fréttir | 20. mars 2017 - kl. 12:53
Íbúum Austur-Húnavatnssýslu fækkar um tólf milli ára samkvæmt nýjum tölum Hagstofu Íslands um íbúafjölda 1. janúar 2017. Hinn 1. janúar 2016 áttu 1.866 manns lögheimili í Austur-Húnavatnssýslu en 1. janúar síðastliðinn var fjöldi íbúa samtals 1.854. Í Vestur-Húnavatnssýslu fjölgar íbúum um 14 milli ára en alls áttu 1.174 manns lögheimili þar í upphafi árs. Samtals eru íbúar í Húnavatnssýslunum báðum 3.028 talsins og hefur þeim fjölgað um tvo milli ára.
Fréttir | 20. mars 2017 - kl. 10:42
Karlakór Bólstaðarhlíðarhrepps heldur tónleika í Blönduóskirkju í kvöld klukkan 20:30 undir yfirskriftinni „Bó og meira til“. Með kórnum er hljómsveit Skarphéðins Einarssonar og einsöngvararnir Hugrún Sif Hallgrímsdóttir, Pálmi Gunnarsson, Guðmundur Rúnar Halldórsson, Rúnar Pétursson og Brynjólfur Friðriksson. Flutt verður blanda af hefðbundinni karlakórstónlist og svo lögin hans Björgvins Halldórssonar.
Tilkynningar | 20. mars 2017 - kl. 10:41
Tilkynning frá stjórn
Aðalfundur Hollvinasamtaka HSN á Blönduósi verður haldinn mánudaginn 24. apríl í fundarsal HSN á annarri hæð. Fundurinn hefst kl. 20:00. Á dagskrá fundarins eru venjuleg aðalfundarstörf, lagabreytingar, skráning nýrra félaga, gerð grein fyrir tækjaþörf og önnur mál.
Senda grein Senda grein  |  Prenta grein (nýr gluggi opnast) Prenta grein  |   Deila
Húsfrúin
21. desember 2016
Samstaða og kærleikur
Þegar eitthvað bjátar á erum við fljót að hlaupa undir bagga með samferðafólki okkar og aðstoða, ekki bara sem einstaklingar heldur líka í hópum – ef svo má segja. Við höfum um áraraðir til dæmis átt hér Styrktarsjóð Húnvetninga sem aðstoðað hefur fjölskyldur sem lent hafa í erfiðleikum af einhverjum toga.
::Lesa
Íþróttamiðstöðin Blönduósi
Spaugið
12. janúar 2016
Hjá tannlækninum
Þegar tannlæknirinn hennar Áslaugar lét af störfum þurfti hún eðli málsins samkvæmt að verða sér úti um nýjan tannlækni.
::Lesa

 

 

Vefmyndavél

 


 

Vinnumálastofnun

 

 


Vefmyndavél

 

©2017 Húnahorniđ