Apríl 2024 | ||||||
S | M | Þ | M | F | L | |
31 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 1 | 2 | 3 | 4 |
Fyrri | Núna | Næsti |
Holtavörðuh. | 16:47 | 0 | 0°C |
Laxárdalsh. | 16:47 | 0 | 0°C |
Vatnsskarð | 16:47 | 0 | 0°C |
Þverárfjall | 16:47 | 0 | 0°C |
Kjalarnes | 16:47 | 0 | 0°C |
Hafnarfjall | 16:47 | 0 | 0°C |
13. apríl 2024 Klúðrið er víðaKlúðrið og bullið er víða í samfélaginu okkar og er af mörgu að taka. Ætla ég að nefna aðeins nokkur atriði. Landsbankaklúðrið í kringum kaupin á TM. Alveg er það merkilegt þegar embættis- menn telja sig geta tekið ákvarðanir um hvað sem þeim dettur í hug. ::Lesa |
Í fábreytni hversdagsins í janúar og febrúar, þessa dimmu mánuði þegar hátíðleiki jólanna og hvellir áramótanna er liðinn er fátt sem gerist sem vert er um að fjalla. Að vísu gleðja þorrablótin sem haldin eru í sveit og bæjum, en nú eru þau líka búin og allir hafa fengið nóg af súrmat og hangikjöti í bili að minnsta kosti. Alltaf berst manni þó til eyrna ýmislegt sem er til umræðu í bænum okkar því alltaf eru bæjarbúar eitthvað að sýsla sjálfum sér eða öðrum til hagsbóta – vonandi.
Snemma í vetur var farið að ræða um að komið væri kauptilboð í Félagsheimilið og ætlaði væntanlegur kaupandi að breyta því í hótel. Fylgdi það sögunni að sveitarfélagsstjórnendum litist vel á tillöguna. Væntanlegur kaupandi óskaði jafnframt eftir því að fá lóð við austari enda íþróttavallarins til að byggja tuttugu íbúða fjölbýlishús upp á fimm hæðir. Það eru sannarlega ekki allir íbúar Blönduóss jafn hrifnir og sveitarfélagsstjórnendurnir. Finnst mörgum það furðuleg hugmynd að ætla að troða hóteli á þetta litla svæði. Vitað er að stækka þarf húsið verulega eigi þar að vera hótel og auka stórlega bílastæði og ætla svo að setja íbúðablokk ofan í allt saman er kannski aðeins of mikið.
Okkur vantar sannarlega ekki landrými hér og vilji einhver byggja hér hótel væru margir betri kostir í stöðunni og eflaust ódýrari en að fara að gera Félagsheimilið upp. Ég sé til dæmis fyrir mér stórt hótel á túnunum upp með norðulandsveginum sunnan árinnar. Það væri líka nóg pláss fyrir glæsilegt útisvæði, bæði fyrir gesti og bíla. Svo er auðvitað spurning fyrir hvern þarf að byggja hótel, hér er ekki mikið um feðamenn og ekki sjáanlegt að þeim fjölgi eða hvað. Þá tel ég gáfulegri kost, eigi að byggja hér blokk upp á fimm hæðir, að hún sé staðsett í nágrenni við blokkina sem fyrir er innan við ána. Það er aðeins meira samræmi í því heldur en setja fimm hæða hús við Melabrautina þar sem fyrir er lágreist byggð. Ég man ekki betur en þegar blokkin á Hnjúkabyggð var byggð hefði verið ráðget að byggja þar fleiri blokkir. Sitt sýnist hverjum er sannarlega rétt, en ég hef heyrt það frá mörgum Blönduósingum að þeir mundu sjá eftir Félagsheimilinu, þó allir viti að húsið er mikill baggi á sveitarfélaginu.
En það eru ekki bara Blönduósingar sem nýta þetta hús. Það gera Húnvetningar allir fyrir alls konar stærri viðburði, svo von er að spurt sé: Hvert á að leita með t.d. 350 manna þorrablót og 200-300 manna erfisdrykkjur svo ekki sé minnst á leiksýningar ef húsið verður gert að hóteli? Ég veit að það er fáránleg óskhyggja að búast við að Húnvetningar allir gætu sameinast um að færa þetta hús til þeirrar virðingar sem því ber með því að gera það upp og nýta fyrir menningaratburði ásamt stærri viðburði eins og verið hafa í húsinu. Gera húsið að menningarhúsi Austur-Húnavatnssýslu.
Sarpur Ríkisútvarpsins er mikið þarfaþing hafi maður misst af áhugaverðu efni í útvarpinu eins og oft vill verða í erli dagsins. Mér var bent á einn slíkan pistil sem ég náði mér í á Sarpinum, en þar var rætt við frumkvöðlahjón hér á Blönduósi sem ég er ekki viss um að allir Blönduósingar viti um. Þessi hjón heita Inga Elsa Bergþórsdóttir og Gísli Egill Hrafnsson og reka veitingahús og gistingu við Brimslóð, nánast á fjörukambinum. Annað hjónanna er ljósmyndari en hitt grafískur hönnuður og hafa þau gefið út nokkrar matreiðslubækur sem búið er að þýða á mörg tungumál. Í þessum bókum kennir sannarlega margra grasa og þær prýða myndir héðan úr nágrenninu. Þau hjón nýta flestan jarðargróður ásamt því að rækta allskonar grænmeti og meira að segja búa til sitt eigið salt, sem þau vinna úr sjónum neðan við veitingahúsið sitt.
Nú er svo komið að þau anna vart eftirspurn erlendra ferðamanna sem sækja um að koma til þeirra og dvelja hér nokkra daga við náttúruskoðun ásamt því að læra að elda úr framandi hráefni sem þau hjón kenna. Ég vissi af framkvæmdum þessara hjón við gamla verkstæðið sem þau keyptu og hafa gert upp, en ég gerði mér ekki grein fyrir hversu umfangsmikil þessi starfsemi þeirra væri orðin. Ef þetta er ekki frumkvöðlastarfsemi þá veit ég ekki í hverju hún felst.
Það er ekki hægt að ljúka þessum skrifum öðruvísi en að þakka fyrir þá einmuna veðurblíðu sem við höfum búið við það sem af er þessum vetri. En kannski á hún eftir að hefna sín eins og konan sagði.
Besta kveðja frá Nöldra.
Fréttir | 23. apríl 2024 - kl. 13:50
Nöfn Pálínu Fanneyjar Skúladóttur og Harðar Gunnarsson voru dregin upp úr potti í tengslum við kosningu á fimm tillögum af slagorði fyrir Húnaþing vestra. Þátttakendur í kosningunni gátu skráð netfang sitt og tekið þátt í happdrættinu og í boði var 10 þúsund króna gjafabréf á veitingastað í sveitarfélaginu. Pálína og Hörður völdu gjafabréf á Northwest í Víðigerði. Slagorðið sem varð hlutskarpast er Lifandi samfélag og hefur sveitarstjórn samþykkt tillöguna.
|
Fréttir | 23. apríl 2024 - kl. 10:49
Í gærkvöldi sóttu vettvangsliðar á Skagaströnd fræðslu um ofbeldi í nánum samböndum, einkenni þess og mögulegar birtingarmyndir. Fræðslan var á vegum Lögreglunnar á Norðurlandi vestra en unnin í nánu samstarfi við félagsþjónustu svæðisins. Fleiri einingar viðbragðsaðila í umdæminu munu sitja sams konar fræðslu á næstu vikum, að því er segir á facebooksíðu lögreglunnar. Fræðslan í kvöld fór fram í Bjarmanesi þar sem eitt sinn var lögreglustöð.
|
Fréttir | 23. apríl 2024 - kl. 10:42
Árlegir vortónleikar Tónlistarskóla Austur-Húnvetninga eru framundan enda vorið og sumarið á leiðinni í Húnavatnssýslurnar. Fyrstu tónleikarnir fara fram í Blönduóskirkju þriðjudaginn 30. apríl klukkan 20 en þar koma fram söngnemendur úr Húnabyggð. Þriðjudaginn 7. maí klukkan 17 verða tónleikar í Hólaneskirkju og þar koma fram hljóðfæra- og söngnemendur úr Skagabyggð og frá Skagaströnd.
|
Tilkynningar | 23. apríl 2024 - kl. 10:30
Aðalfundur Stéttarfélagsins Samstöðu 2024 verður haldin mánudaginn 29.apríl klukkan 18:00 í sal Samstöðu, Þverbraut 1 á Blönduósi. Félagsmenn eru hvattir til að mæta.
|
Tilkynningar | 23. apríl 2024 - kl. 10:26
Frá stjórn
Aðalfundur Styrktarsjóðs Húnvetninga verður haldinn að Þverbraut 1 (Samstöðu) klukkan 17:00 fimmtudaginn 2. maí næstkomandi. Venjuleg aðarfundarstörf.
|
Fréttir | 21. apríl 2024 - kl. 21:23
Frá Kvenfélagi Svínavatnshrepps
Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað. Fyrir tíu árum þegar kvenfélagið varð 140 ára héldu konur í félaginu hóf og einnig handverkssýningu í Dalsmynni.
|
Fréttir | 21. apríl 2024 - kl. 18:37
Hátíðarhöld í tilefni sumardagsins fyrsta á Hvammstanga í ár verða enn fjölbreyttari en áður. Hátíðin er haldin af Félagi eldri borgara í Húnaþingi vestra í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00, fimmtudaginn 25 apríl. Síðan verður haldið upp á sumardaginn fyrsta á hefðbundinn hátt með skrúðgöngu frá Reiðhöllinni Þytsheimum klukkan 14:00.
|
Pistlar | 20. apríl 2024 - kl. 16:59
73. þáttur. Eftir Jón Torfason
Stjórnarherrar landanna höfðu í aldanna rás lengstum ekki mikil afskipti af þegnum sínum, létu sér nægja að hirða af fólki hluta af þeim arði sem það framleiddi og krafði svo með nokkuð jöfnu millibili hluta af karlpeningnum til þjónustu í herjum sínum til vígaferla og ránsferða. Auk þess höfðu stjórnvöld mikinn áhuga á að segja fólki á hvað það skyldi trúa. Heilbrigðismál, skólamál og félagsþjónusta komu lítið inn á borð stjórnarherranna en var á vegum einstaklinga og ættmenna, kirkjunnar og, a.m.k. á Íslandi, hreppa.
|
Pistlar | 20. apríl 2024 - kl. 11:58
Eftir Inga Heiðmar Jónsson
Á miðvikudegi þann 8. maí, boðum við aðalfund Sögufélagsins Húnvetnings, kl. 15, þ.e. á nóni í Bóka- og skjalasafninu Blönduósi. Þar munu þau Svala skjalavörður Runólfsdóttir og Benedikt Blöndal segja frá og sýna okkur árangur starfs þeirra hjóna við að safna upplýsingum um minnismerki í Austur-Húnavatnssýslu síðustu misserin. Einnig mun Hjalti Pálsson sagnfræðingur koma til okkar á fundinn og segja okkur frá upphaflegum tillögum og umræðu sem leiddu til þess stórvirkis sem Byggðasaga Skagfirðinga varð í höndum hans.
|
Fréttir | 19. apríl 2024 - kl. 21:12
Gular veðurviðvaranir taka gildi á morgun allt frá Breiðafirði, um Vestfirði, allt Norðurland og austur á firði, vegna talsverðrar rigningar og asahláku á morgun og fram á aðfaranótt sunnudags. Á vef Veðurstofunnar segir að vegna ört hækkandi hitastigs megi búast við miklum leysingum, auknu afrennsli og vatnavöxtum í ám og lækjum. Mikilvægt sé að hreinsa frá niðurföllum til að forðast vatnstjón vegna rigningar og leysingavatns.
|
Fréttir | 19. apríl 2024 - kl. 20:56
Verkalýðsmálaráð Samfylkingarinnar boðar til málstofu um húsnæðis- og kjaramál, laugardaginn 20. apríl klukkan 09:00 í húsnæði stéttarfélagsins Samstöðu að Þverbraut 1 á Blönduósi. Frummælendur verða Þórarinn Sverrisson, formaður Öldunnar, stéttarfélags í Skagafirði, Ásgerður Pálsdóttir, fyrrverandi formaður Samstöðu og núverandi formaður Félags eldri borgara á Blönduósi og Finnbogi Sveinbjörnsson, formaður Verkalýðsfélags Vestfjarða.
|
Fréttir | 19. apríl 2024 - kl. 12:07
Sunnudaginn 28. apríl verða haldnir tónleikar í Blönduóskirkju þar sem kirkjukórinn mun syngja nokkur hugljúf vorlög undir stjórn Eyþórs Franzsonar Wechner organista. Jafnframt mun Eyþór sýna snilli sína og leyfa okkur að heyra hvað orgelið hefur upp á að bjóða.
|
Fréttir | 18. apríl 2024 - kl. 20:37
Húnaþing vestra og Leigufélagið Bríet hafa undirritað viljayfirlýsingu um uppbyggingu leiguíbúða í Húnaþingi vestra. Í yfirlýsingunni lýsa aðilar yfir vilja til samstarfs um uppbyggingu leiguíbúða í sveitarfélaginu auk þess sem Húnaþing vestra leggur til íbúðir í sinni eigu í gegnum svokölluð yfirtökuverkefni. Viljayfirlýsing þessi kemur til viðbótar samkomulagi sem undirritað var á dögunum milli innviðaráðuneytis, Húnaþings vestra og HMS um uppbyggingu allt að 50 íbúða til sölu og leigu á næstu fimm árum.
|
Fréttir | 18. apríl 2024 - kl. 20:23
Árleg kökukeppni Undirheima, sem er félagsmiðstöð fyrir unglinga í Höfðaskóla, var haldin í gærkvöldi. Keppendur voru tólf talsins og voru tveir til þrír saman í hóp. Skreyta þurfti kökurnar á staðnum og höfðu keppendur 60 mínútur til þess að ljúka verkinu. Að því loknu valdi þriggja manna dómnefnd þrjú efstu sætin sem frumlegustu kökuna, besta bragðið og fallegustu kökuna. Að hennar sögn var valið ekki auðvelt. Sagt er frá þessu á vef Skagastrandar.
|
02. apríl 2023 Sjö leiðir til að létta þér þrifin í vor og sumarNú er vorið komið og sumarið framundan og þá er ekki úr vegi að koma með nokkur góð húsræða. ::Lesa |
03. febrúar 2023 Á ferðalagiGuðmundur var að spjalla við Tóta, bróður sinn í Kaliforníu. ::Lesa |