Fréttir | 10. febrúar 2014 - kl. 14:29
112 dagurinn verður haldinn á Blönduósi þriðjudaginn 11. febrúar næstkomandi. Dagurinn
verður með svipuðu fyrirkomulagi og undanfarin ár, en eftir akstur allra
viðbragðsaðila um bæinn, verður staðnæmast við Samkaup klukkan 16 og þar verður
hægt að skoða bílaflotann.
Í tilefni 90 ára afmælisárs Rauðakrossins á Íslandi verður
skyndihjálparupprifjun og kynningu á nýju „skyndihjálpar-appi“ Rauðakrossins í
anddyri Samkaupa.
Kaffi og Svali verða í boði Samkaupa og kleinur í boði
RKÍ.
Þeir sem standa að 112 deginum á Blönduósi eru Björgunarfélagið
Blanda, Brunavarnir A-Hún., Heilbrigðisstofnunin Blönduósi, Rauðakrossdeildin
og Lögreglan.