Fréttir | 20. nóvember 2014 - kl. 09:38
Sveitasetrið Gauksmýri fékk á dögunum hvatningarverðlaun Ferðaþjónustu bænda 2014. Á Gauksmýri er rekin ferðaþjónusta með áherslu á náttúru- og hestatengda ferðaþjónustu sem aðhyllist umhverfisstefnu Ferðaþjónustu bænda. Gestgjafar og eigendur Sveitasetursins Gauksmýri eru Sigríður Lárusdóttir og Jóhann Albertsson.
Á nýliðinni Uppskeruhátíð Ferðaþjónustu bænda veitti skrifstofa Ferðaþjónustu bænda sex bæjum innan samtakanna viðurkenningar. Er það í fjórða sinn sem skrifstofan veitir verðlaun sem þessi en viðurkenningar voru veittar í tveimur flokkum.
Í flokknum Hvatningarverðlaun Ferðaþjónustu bænda 2014 fengu eftirfarandi viðurkenningu:
• Fossatún í Borgarfirði
• Vogur á Fellsströnd
• Gauksmýri í Húnaþingi
Í flokknum Framúrskarandi ferðaþjónustubær 2014 fengu eftirfarandi viðurkenningu:
• Einishús á Einarsstöðum
• Hótel Lækur í Hróarslæk
• Hótel Eldhestar á Völlum í Ölfusi
Meðfylgjandi mynd er fengin af vef Ferðaþjónustu bænda.
Mynd (frá vinstri): Guðmundur Halldórsson frá Vogi, Steinar Berg Ísleifsson frá Fossatúni og Sigríður Lárusdóttir og Jóhann Albertsson frá Gauksmýri.