Geisladiskur með söng Karlakórs Bólstaðarhlíðarhrepps við undirleik hljómsveitar Skarphéðins H. Einarssonar er kominn í sölu. Árið 2013 var aðalverkefni Karlakórs Bólstaðarhlíðarhrepps söngdagskrá með lögum Geirmundar Valtýssonar en lögin eru  útsett  af Rögnvaldi Valbergssyni. Undirleik annaðist hljómsveit Skarphéðins H. Einarssonar. Söngdagskráin fékk frábærar móttökur og  var ákveðið að gefa út  valin lög úr dagskránni.

Geisladiskurinn “Látum sönginn hljóma” var tekinn upp í janúar- júní 2014. Upptökustjóri  var Rögnvaldur Valbergsson og aðalupptökustaður félagsheimilið Húnaver. Á diskinum eru fjórtán lög eftir Geirmund Valtýsson, þar af eitt nýtt lag. Það er lagið “Heilög jól” lag Geirmundar við ljóð Sigurðar Hansen. Einsöngvari í því lagi er Hugrún Sif Hallgrímsdóttir.

“Látum sönginn hljóma” er til sölu hjá kórfélögum  en þeir  munu ganga í hús og bjóða diskinn til sölu. Geisladiskurinn er verðlagður  á 2.000 krónur