Fréttir | 25. mars 2015 - kl. 20:53
Veitingastaðurinn Sjávarborg á Hvammstanga verður formlega opnaður föstudaginn 27. mars næstkomandi og verða ýmiskonar tilboð á boðstólnum alla helgina. Veitingastaðurinn er staðsettur á efri hæð Selaseturs Íslands.
Á föstudaginn verður réttur dagsins á sínum stað í hádeginu, kaffihlaðborð fyrir alla fjölskylduna milli klukkan 14:30 og 17:00 og kvöldverður frá klukkan 19:00 til 21:30, en mælst er til þess að fólk panti borð fyrirfram í kvöldverðinn.
Trúbadorinn Sigvaldi Helgi Gunnarsson sér svo um tónlistina frá klukkan 22:00 til 03:00. Aldurstakmar er 18 ára.
Á laugardaginn opnar Sjávarborg klukkan 11:00 og verður svipuð dagskrá yfir daginn, hádegisverður á tilboði, kaffihlaðborð fyrir alla fjölskylduna og kvöldverður samkvæmt tilboðsmatseðli.
Húsið verður opið til klukkan 03:00 og er 18 ára aldurstakmark.
Borðapantanir fara fram í síma 451-2927.
Nánari upplýsingar fá finna á Facebook síðu Sjávarborgar.