20. mars 2024 - kl. 16:30 - 20. mars 2024 - kl. 18:30
Rannsóknir og vaktanir eru mikilvægir þættir í ábyrgri orkuvinnslu og er Landsvirkjun engin undantekning í þeim efnum. Um allt land er verið að skoða áhrif af starfsemi okkar og undirbúa verkefni framtíðarinnar. Til verður þekking sem við viljum miðla til almennings og því bjóðum við í kaffi í félagsheimilinu á Blönduósi. Með kaffinu verður bakkelsi og þrír gómsætir molar:
- Geta vindmyllur á Blöndusvæði haft áhrif á fugla? – Fuglarannsóknir á Steinárhálsi
Þorkell Lindberg Þórarinsson forstöðumaður Náttúrustofu Norðausturlands
- Virkar þetta? - Uppgræðsla á Eyvindarstaðaheiði
Ingunn Sandra Arnþórsdóttir héraðsfulltrúi Lands og skógar
- Er Blanda að breytast í bergvatnsá? - Jöklarannsóknir á vatnasviði Blöndu
Andri Gunnarsson verkefnisstjóri hjá þróun vatnsafls í Landsvirkjun
Húsið opnar með kaffiveitingum klukkan 16:30 og eru íbúar í nærsamfélaginu sérstaklega hvattir til að mæta. Dagskráin hefst svo klukkan 17 og er áætlað að hún standi til 18:30. Dagkránni verður streymt fyrir þau sem ekki eiga heimangengt og verður hlekkur á streymið auglýstur síðar.