Fréttir | 06. júlí 2014 - kl. 17:54
Brunavarnaráætlun fyrir Brunavarnir Húnaþings vestra 2014-2018 var samþykkt á
fundi sveitarstjórnar þann 15. maí síðastliðinn. Brunavarnaráætlun leggur
grunninn að gæðastjórnun og úttekt á starfsemi slökkviliðs fyrir þá aðila sem
bera ábyrgð á brunavörum í hverju sveitarfélagi.
Áætlunin
auðveldar einnig íbúum sveitarfélagsins, iðnfyrirtækjum og öðrum rekstraraðilum
að fá upplýsingar um veitta þjónustu, skipulags slökkviliðs og markmið með
rekstri þess í sveitarfélaginu. Framkvæmd brunavarnaráætlunar er ætíð háð
fjárveitingum sem Brunavarnir Húnaþings vestra hafa í fjárhagsáætlun fyrir
hvert fjárhagsár.
Markmið
Brunavarna Húnaþings vestra með þessari brunavarnaráætlun er að uppfylla
eftirfarandi markmið laga um brunavarnir nr. 75/2000:
„Að
vernda líf og heilsu manna, eignir og umhverfi með því að tryggja fullnægjandi
eldvarnaeftirlit, forvarnir og viðbúnað við eldsvoðum og mengunaróhöppum á
landi.“
Á
meðfylgjandi mynd er Skúli Þórðarson, frávarandi sveitarstjóri, Pétur R. Arnarsson,
slökkviliðsstjóri og Björn Karlsson, forstjóri Mannvirkjastofnunar að
undirrituðu nýja brunavarnaráætlun í Ráðhúsi Húnaþings vestra þann 25. júní
síðastliðinn. Heimild og mynd: www.hunathing.is.