Fréttir | 10. júlí 2014 - kl. 22:30
Síðustu 3 ár hefur
fjölskylda Maríu Hjaltadóttur frá Hvoli heiðrað minningu hennar með listsýningu
sem nefnist ,,Maríudagar”. Þann 1. júlí síðastliðinn hefði María orðið níræð. Helgina
12. og 13. júlí 2014, kl. 13:00-18:00 báða dagana, ætlar fjölskylda hennar enn
á ný að efna til ,,Maríudaga” með sýningu á útskurði og tálgun í
tré. Sýningin verður haldin á Hvoli í Vesturhópi.
Verkin á sýningunni eru eftir tvær dætur hennar,
þær Kristínu og Oddnýju svo og tvo systkinasyni hennar, þá Helga Björnsson og
Sigurjón Gunnarsson. Þess má geta að listafólkið verður að störfum meðan á
sýningunni stendur. Einnig verður ljósmyndasýning, gamlar myndir af sveitungum
í leik og starfi. Gestum er boðið að þiggja veitingar báða sýningardagana.