Fjöldinn allur mætti á kvöldvökuna á íþróttavellinum
Enginn er verri þótt hann vökni á Bæjartorginu
Sigurvegari í Míkróhúninum yngra keppendur
Sigurvegari í Míkróhúninum eldri keppendur
Íþróttaálfurinn og Solla stirða skemmtu viðstöddum
Fiskar úr Blöndu skoðaðir
Straumhraðinn í Blöndu mældur
Mikið stuð í sápukúlubrautinni
Fréttir | 22. júlí 2014 - kl. 09:13
Húnavaka 2014 var haldin um helgina á Blönduósi og
er óhætt að segja að almenningur hafi ekki látið rigninguna á sig fá við að
njóta þeirrar fjölbreyttu dagskrár sem skipuleggjendur færðu okkur sem nutum.
Dagskráin á laugardeginum stóð svo sannarlega undir væntingum með skemmtidagskrá
á Bæjartorginu, Blönduhlaupi USAH, Míkróhúninum, kvöldvöku á íþróttavellinum og
Pallaballi í Félagsheimilinu svo fátt eitt sé nefnt.
Á sunnudeginum var svo m.a. hægt að fara í göngu
meðfram Blöndu, kíkja í öll söfnin á Blönduósi og skella sér í sápurennibraut á
kirkjuhólnum. Það ber að þakka öllum þeim sem lögðu hönd á plóginn við að gera
þessa hátíð sem besta og þeir stóðu svo sannarlega undir væntingum.