Sindrastaðir. Mynd: Norðanátt.is
Fréttir | 31. ágúst 2014 - kl. 11:15
Sindrastaðir að Lækjarmóti í Húnaþingi vestra voru formlega opnaðir
síðastliðinn miðvikudag en um er að ræða hesthús, reiðhöll, hringvöll og aðra
aðstöðu og eru byggingarnar í heildina um 2.800 fermetrar að stærð. Ísólfur
Líndal Þórisson og Vigdís Gunnarsdóttir að Lækjamóti áætla að um 800 manns hafi
komið á opnunina og voru þau hæstánægð með daginn að því fram kemur á vef
Norðanáttar.
Sigurður Ingi Jóhannsson landbúnaðarráðherra opnaði
Sindrastaði formlega með því að klippa á borðann og naut hann aðstoðar Guðmars,
sonar Ísólfs og Vigdísar, sem gætti skæranna vel. Sigurður Ingi kom því að í
ræðu sinni að hversu flott það væri að Ísólfur og Vigdís hafi lagt sig eftir
því að kaupa þjónustu af fólki í héraðinu.
Richard, viðskiptafélagi Ísólfs og Vigdísar, mætti
einnig til að vera viðstaddur opnunina og var hann með þeim allan daginn og tók
á móti gestum. Þá sagði hann nokkur orð við hina formlega opnun þar sem hann þakkaði
öllu starfsfólki sem að byggingunni kom fyrir vel unnin störf og óskaði
fjölskyldunni á Lækjamóti velfarnaðar í framhaldinu.
Á vef
Norðanáttar má sjá myndir frá opnun Sindrastaða.