Eins og flestum er kunnugt hefur EFTA dómstóllinn birt ráðgefandi álit sitt vegna dómsmáls er varðar lögmæti á útfærslu verðtryggingarinnar á verðtryggðum lánum. Úrskurður EFTA varðar hvort heimilt sé eða ekki að miða við 0% verðbólgu á greiðsluáætlunum. EFTA dómstóllinn komst að þeirri niðurstöðu að ekki væri heimilt samkvæmt neytendalánatilskipuninni að miða útreikning verðtryggðra lána við 0%, ef þekkt verðbólgustig á lántökudegi væri ekki 0%.

Þetta er staðan
Nú er sú staða komin upp að íslenskir dómstólar verða að ákvarða á grundvelli íslenskra laga, hvaða áhrif álitið mun hafa við úrlausn réttarágreinings um verðtrygginguna. Afar ánægjulegt var að sjá að aðalmálsmeðferð í einu málinu er snýr að þessum þáttum, átti að fara fram í héraðsdómi þann 8. desember. Því hefur nú verið frestað fram á nýtt ár eða fram til 5. – 6. janúar. Það gerir það að verkum að óvissutímabilið lengist og það er öllum í óhag. Það er ekki ljóst hvenær endanleg niðurstaða dómstóla mun liggja fyrir en mikilvægt er að niðurstaða liggi fyrir, eins fljótt og mögulegt er.

Framlengjum lögum um flýtimeðferð
Mikilvægt er að þau mál er varða útfærslu verðtryggingarinnar á verðtryggðum lánum, fái flýtimeðferð í gegnum dómstólana. � störfum þingsins þann 5. og 8. desember minnti ég þingheim á, að á sumarþingi árið 2013 samþykktum við lagabreytingar um flýtimeðferð mála er varða lán tengd vísitölu og gengistryggingu. Þessi lög falla úr gildi í árslok ef ekkert verður að gert. Nauðsynlegt er að framlengja lögunum vegna þeirrar stöðu sem komin er upp.

�skorun í Störfum þingsins
Vegna þessa ákvað ég í störfum þingsins, bæði þann 5. og 8. desember að skora á nýjan innanríkisráðherra, að láta það verða eitt af fyrstu verkum sínum að framlengja umræddu lagaákvæði. Um er að ræða einfalt mál sem varðar eingöngu dagsetningu. Ég get ekki trúað öðru en að þingheimur leggist á eitt við að koma málinu í gegn fyrir áramót. �slenskum neytendum og heimilum til hagsbóta.

Elsa Lára Arnardóttir
-þingmaður Framsóknarflokksins.