Skógræktarfélag Austur-Húnvetninga vill benda íbúum Austur-Húnavatssýslu og nágrönnum á að jólaskógurinn fram á Gunnfríðarstöðum verður opinn um helgina 20. og 21. desember frá um kl. 11:00 að morgni til um kl. 15:00. Hægt að fella sitt jólatré í skóginum og fá sér skógarkakó. Getum aðstoðað og haft tilbúin tré ef þess er óskað. Búið verður að opna Bakásaveg á laugardagsmorgni til að auðvelda ferð í jólaskóginn.

Skógræktarfélag A-Hún er 70 ára á þessu ári. Hluta af ræktunarstarfi félagsins á þessum árum má sjá í Gunnfríðarstaðaskógi en þar var plantað fyrst 1962. Með ræktun á skógum í sýslunni hefur félagið stuðlað að möguleikum húnvetninga til að hafa lifandi jólatré heima hjá sér um jólin. Húnvetnskt jólatré er umhverfisvæn afurð. Sími hjá Páli Ingþóri formanni er 865 3959.