Fréttir | 24. febrúar 2015 - kl. 21:04
Í gær fór fram undankeppni hjá Blönduskóla fyrir Framsagnarkeppni grunnskólanna í Húnavatnsþingi 2015. Markmið keppninnar er eins og áður að glæða tilfinningu og metnað húnvetnskra grunnskólanema fyrir íslensku máli og framsögn. Nemendur 7. bekkjar Blönduskóla tóku þátt í undankeppni og lásu þeir ljóð og texta og stóðu allir sig mjög vel.
Þrír fulltrúar voru svo valdir af dómnefnd til að vera fulltrúar skólans í lokakeppninni. Fulltrúar Blönduskóla verða þau Weronika Czyzynska, Pálmi Ragnarsson og Hjördís Þórarinsdóttir og varamaður verður Helga Björg Jónsdóttir.
Í dómnefnd voru Kolbrún Zophoníasdóttir, Kristín Guðjónsdóttir og Guðjón Ólafsson.
Á myndasíðu Blönduskóla má sjá myndir frá undankeppninni.