Apríl 2024 | ||||||
S | M | Þ | M | F | L | |
31 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 1 | 2 | 3 | 4 |
Fyrri | Núna | Næsti |
Holtavörðuh. | 20:11 | 0 | 0°C |
Laxárdalsh. | 20:11 | 0 | 0°C |
Vatnsskarð | 20:11 | 0 | 0°C |
Þverárfjall | 20:11 | 0 | 0°C |
Kjalarnes | 20:11 | 0 | 0°C |
Hafnarfjall | 20:11 | 0 | 0°C |
13. apríl 2024 Klúðrið er víðaKlúðrið og bullið er víða í samfélaginu okkar og er af mörgu að taka. Ætla ég að nefna aðeins nokkur atriði. Landsbankaklúðrið í kringum kaupin á TM. Alveg er það merkilegt þegar embættis- menn telja sig geta tekið ákvarðanir um hvað sem þeim dettur í hug. ::Lesa |
Hann er svartur, svipillur
samt er partur heiður,
lítið bjartur landaustur
ljótt er margt í útnorður.
Hreggviður á Kaldrana lýsir þannig veðurhorfunum einhvern tíma um 1800 en þá var hann þrítugur sjómaður út á Skaga þar sem bú hans var um þessar mundir.
Ótíð og kuldabálkar hafa lengi þjarmað að Frónbúum, dregið úr okkur hug, drepið í dróma framtíðaráætlanir og þrengt að kosti fátækra.
Lægðirnar 2015 trufla strætóferðir, rífa þakplötur af húsum og trufluðu Júlíus með morgunmjaltirnar á Torfalæk sem hann hafði lofað að sinna fyrir Jóhannes nágranna sinn.
En sunnudaginn 15. mars var veðrið gengið niður, fermingarstúlkurnar lásu ritningartextana með bravör í morgunmessunni í Blönduóskirkju, stormbáran á Flóanum kyrrðist, Sigurjón bassi tók rútu á Sparidagana í Örkinni í stað þess að hella upp á morgunkaffið handa söngfélögunum og presturinn fór í fjólubláa hökulinn í tilefni föstunnar.
Guðrún frá Syðri-Grund lét sig ekki vanta í kirkjuna, hress og glaðbeitt með 92 ár að baki, en þær mæðgur, hún og Valgerður dóttir hennar skreppa líka stundum fram að Auðkúlu þegar messað er í gömlu kirkjunni þeirra.
Um Grundarfólk segir Björn á Brandsstöðum 1850:
Þorsteinn er mikill bóndi og á börn vel upp örtuð, mannvænleg. Hann er spakur, þó hygginn og útsláttarlaus, í góðu áliti. Í manntali frá sama ári eru hjónin Þorsteinn og Sigurbjörg talin fyrst og síðan börn þeirra, drengirnir fyrst: Ingvar 12 ára, Helgi 10, Þorsteinn 7, Guðmundur 2 og Oddný 9 auk 2ja vinnumann, 2ja vinnukvenna og tökukerlingar hálfáttræðrar.
Áðurnefndur Þorsteinn bóndi á Grund er Helgason og langafi Valgerðar Guðmundsdóttir.
Nóg er komið af ættfræðinni og óðum styttist til páska en söngæfingar urðu stopular í lægðasyrpunni sem enn gengur yfir heiðar og flóa. Í guðsþjónustu á páskadagsmorgun syngjum við eftir venju páskasálmana og hátíðasöng sr. Bjarna, tengdasonar Lárusar sýslumanns á Kornsá. Í kirkjunni verður líka passíusálmalestur á föstudaginn langa og messað verður á skírdag í Baðstofunni/Héraðshælinu.
Kannski hentar lesandanum að koma til einhverrar áðurnefndra athafna.
Vorlega vísu veljum við nú til að enda þennan pistil. Vilhjálmur á Brandaskarði orti:
Röðull hlær og rennur skær
rósin grær á engi.
Lindin tær og ljúfur blær
leikur á skæra strengi.
http://bragi.info/hunafloi/visur.php?VID=14396
Björn á Brandsstöðum: http://stikill.123.is/blog/2015/02/27/
Vísa Hreggviðs: http://bragi.info/hunafloi/visur.php?VID=24922
02. apríl 2023 Sjö leiðir til að létta þér þrifin í vor og sumarNú er vorið komið og sumarið framundan og þá er ekki úr vegi að koma með nokkur góð húsræða. ::Lesa |
03. febrúar 2023 Á ferðalagiGuðmundur var að spjalla við Tóta, bróður sinn í Kaliforníu. ::Lesa |