Fuglaskoðun á Blönduósi. Mynd Róbert D. Jónsson
Fréttir | 14. apríl 2015 - kl. 12:50
Þriðjudaginn 21. apríl standa Ferðamálasamtök Norðurlands vestra fyrir námskeiði um fuglaskoðun í ferðaþjónustu fyrir ferðaþjónustuaðila og áhugafólk um fuglaskoðun. Námskeiðið verður haldið á Hótel Blönduósi. Kjartan Bollason lektor við Ferðamáladeild Háskólans á Hólum mun leiða námskeiðið. Námskeiðið er sett upp sem hluti af þróun Fuglastígs á Norðurlandi vestra en í sumar mun koma út fyrsta fuglaskoðunarkortið fyrir svæðið á vegum samtakanna.
Nánar um námskeiðið:
Áhugavert námskeið um fuglaskoðun í ferðaþjónustu
Á námskeiðinu verður fjallað um vöruþróun á náttúrutengdri ferðaþjónustu með áherslu á góða umgengni gagnvart náttúru og samfélagi og fjárhagslegan hagnað fyrirtækis eða samfélags. Farið verður í eftirfarandi efnisþætti og þeir ræddir í samhengi við þróun fuglaskoðunarstígs á Norðurlandi vestra.
-
Hvað einkennir ferðamenn sem koma til fuglaskoðunar?
-
Hvaða innviðir eru nauðsynlegir til að taka á móti slíkum ferðamanni?
-
Hvaða þjónustu vilja/þurfa þeir sem sækjast eftir því að skoða fugla?
-
Hvaða þekkingu þarf ég/ferðaþjónustuaðili að búa yfir?
-
Hvaða skyldur hef ég sem býð upp á fuglaskoðunarstíg/-stað gagnvart bæði náttúru og samfélagi?
-
Náttúrutúlkun og leiðsögn - leiðir til að tengja ferðamanninn við náttúruna
-
Gerð ferðavörunnar – hvað þarf til að ná á ferðamanninn?
-
Samvinna fyrirtækja – mikilvægi þess að efla sitt tengslanet til að styrkja sitt fyrirtæki.
Kennari á námskeiði: Kjartan Bollason, lektor við Ferðamáladeild Hólaskóla, umhverfisfræðingur og menntaður leiðsögumaður.
Námskeiðið fer fram á Hótel Blönduósi, þriðjudaginn 21. apríl klukkan 10.00 til 16.00. Léttur hádegisverður og kaffi innifalið. Verð 5.000 krónur.
Skráning á netfangið selasetur@selasetur.is eða í síma 451 2345. Skráning þarf að hafa borist í síðasta lagi klukkan 12 mánudaginn 20. apríl næstkomandi.