Þann 22. júní næstkomandi skulu Samtök sveitarfélaga á Norðurlandi vestra (SSNV) hafa lokið gerð sóknaráætlunar landshlutans fyrir árin 2015-2019 samkvæmt samningi sem var undirritaður 10. febrúar síðastliðinn. Ã�ætlunin mun marka stefnu landshlutans í menningarmálum, nýsköpun, atvinnuþróun, uppbyggingu mannauðs og lýðfræðilegri þróun svæðisins. Landshlutinn setur sér leiðarljós í þessum málaflokkum sem tekur mið af áherslum Vísinda- og tækniráðs Ã�slands, þingsályktunum um stefnumótandi byggðaáætlun og menningarstefnu auk annarrar stefnumótunar ríkisins eftir því sem við á.

Einn af hornsteinunum í vinnunni við sóknaráætlunina er skipun samráðsvettvangs þar sem tryggð skal sem breiðust aðkoma sveitarstjórna, stofnana, atvinnulífs, menningarlífs, fræðasamfélags og annarra haghafa í landshlutanum. Gæta skal lýðræðis-, búsetu-, aldurs og kynjasjónarmiða við skipunina í samráðsvettvanginn.

SSNV skilgreinir nánar hlutverk og verkefni samráðsvettvangsins, en hann skal samkvæmt samningnum hafa beina aðkomu að gerð sóknaráætlunarinnar og vera upplýstur um framgang hennar með að minnsta kosti árlegri samkomu.

Þegar þetta er skrifað eru um það bil 8 vikur þar til sóknaráætlun landshlutans til næstu fjögurra ára lítur dagsins ljós. Fátt hefur verið opinberað um vinnuna við gerð áætlunarinnar en full ástæða fyrir íbúa að fylgjast með fréttum af þessu máli á heimasíðu SSNV – ef og þegar einhverjar birtast. Sérstaklega er ástæða til þess að hvetja sveitarstjórnarmenn í landshlutanum til þess að undirbúa sig fyrir þátttöku í væntanlegum samráðsvettvangi, til dæmis með því að viðra sínar áherslur á vettvangi sveitarstjórna eða jafnvel opinberlega, og efna til einhvers konar samtals við sjálfa íbúana um þessa mikilvægu stefnumótun.

Ã� heimasíðu SSNV (ssnv.is) er að finna ýmsar upplýsingar um núgildandi sóknaráætlun frá 2013 og verkefni henni tengd. Samtökunum ber að birta allar framvinduskýrslur verkefna og aðrar „afurðir“ jafnóðum og þær liggja fyrir, en einhver misbrestur er á því. Engin leið virðist vera að átta sig á stöðu verkefnanna frá 2013 þó haldnar hafi verið lærðar ræður við hátíðleg tækifæri um hið aukna gagnsæi og vönduðu stjórnsýsluhætti sem sagðar eru felast í vinnubrögðum við gerð og framkvæmd sóknaráætlana.

Af hálfu stjórnarráðsins er starfandi stýrinet eða stýrihópur sem fram á mitt ár 2013 birti fundargerðir og ýmsar upplýsingar um áætlanirnar. Greinarhöfundi hefur gengið illa að finna eitthvað bitastætt á vef stjórnarráðsins um vinnuna við gerð sóknaráætlunarsamninganna 2015-2019, eða framvindu mála eftir mitt ár 2013 yfirhöfuð.

Gerð sóknaráætlana og framkvæmd verkefna samkvæmt þeim eru mikilvægt mál sem varða alla íbúa og atvinnulíf í landshlutanum – kynnið ykkur hvernig til hefur tekist hingað til og látið í ykkur heyra um æskilegar áherslur í nýrri sóknaráætlun!

Stefán Haraldsson
Blönduósi