Fyrri mynd
Nsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Hnahornið
Open Menu Close Menu
Hnahornið
Fimmtudagur, 28. mars 2024
   m/s
C
CW
huni.is - RSS-efnisveita
 
Mars 2024
SMÞMFL
252627282912
3456789
10111213141516
17181920212223
24252627282930
31123456
FyrriNúnaNæsti
Veðurstofa Íslands Vegagerðin
Holtavörðuh. 19:25 0 0°C
Laxárdalsh. 19:25 0 0°C
Vatnsskarð 19:25 0 0°C
Þverárfjall 19:25 0 0°C
Kjalarnes 19:25 0 0°C
Hafnarfjall 19:25 0 0°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
18. ágúst 2023
Okur, íslenska og illgresi
Já komið þið sæl og blessuð. Nöldri er ekki dauður úr öllum æðum þó langt sé um liðið frá síðasta nöldurpistli. Af nógu er að taka í nöldrinu en ég ætla þó aðeins að nefna nokkur atriði að þessu sinni. Fyrst ætla ég að byrja á verðlaginu í Kjörbúðinni okkar hér á Blönduósi.
::Lesa
Leita í netfangaskrá
 
Eftir Inga Heiðmar Jónsson
27. mars 2024
71. þáttur. Eftir Jón Torfason
24. mars 2024
Eftir Inga Heiðmar Jónsson
22. mars 2024
Eftir Bjarna Jónsson
17. mars 2024
Eftir Inga Heiðmar Jónsson
15. mars 2024
Eftir Bjarna Jónsson
11. mars 2024
Fréttir | 03. júní 2015 - kl. 14:57
Fréttir af ársfundi Þekkingarsetursins
Frá Þekkingarsetrinu á Blönduósi

Þann 29. maí var haldinn ársfundur Þekkingarsetursins á Blönduósi í Kvennaskólanum. Árið 2014 var þriðja starfsár Þekkingarsetursins. Það var stofnað í febrúar 2012 með það að markmiði að nýta aðstæður og svæðisbundna sérstöðu til þess að stuðla að aukinni almennri þekkingu og fjölbreytni atvinnulífs með fræðastarfi, eflingu háskólamenntunar, vísindarannsóknum og nýsköpun á sviði strandmenningar, laxfiska og textíls. Fjárhagslegar forsendur setursins eru byggðar á samningi við mennta- og menningarmálaráðuneytið, en samningur til þriggja ára var endurnýjaður og undirritaður í janúar 2015.

Hjá Þekkingarsetrinu starfaði fimm starfsmenn í 3,75 stöðugildum árið 2014: Katharina Schneider, framkvæmdastjóri setursins, Jóhanna E. Pálmadóttir, verkefnastjóri á sviði textíls, Erla Gunnarsdóttir, umsjónarmaður textíllistamiðstöðvar í Kvennaskólanum, og sérfræðingar Catherine Chambers og Daniel Govoni í samstarfi við Háskólann á Hólum. 

Áherslan á árinu 2014 hefur m.a. verið lögð á samþættingu á sviði textíls og uppbygging textíllistamiðstöðvarinnar í Kvennaskólanum. Samstarfssamningur var gerður við Textílsetur Íslands í því samhengi. Listamiðstöð hefur verið rekin í Kvennaskólanum á vegum Textílsetursins síðan 2008, en starfsmenn Þekkingarsetursins hafa tekið þátt í uppbyggingu listamiðstöðvarinnar síðan 2012. Hefur aðsókn listamanna aukist stöðugt síðan. Árið 2014 dvöldu 23 erlendir listamenn í húsinu og hafa m.a. staðið fyrir mánaðarlegum sýningum. Listamenn hafa aðgengi að Heimilisiðnaðarsafninu, en Þekkingarsetrið gerði samstarfsyfirlýsingu við safnið í þeim tilgangi. 43 erlendir listamenn hafa nú þegar bókað sig fyrir 2015.

Að auki var skoðaður möguleiki á uppbyggingu náms á sviði textíls í Kvennaskólanum. Mikill áhugi er fyrir námi og fræðslu á sviði textíls, sérstaklega erlendis frá, t.d. á vefnaði, útsaumi, íslenskri prjónahefð og notkun á íslenskri ull. Tengsl náðust við Listaháskóla Íslands, og í nóvember dvöldu nemendur Listaháskólans í Kvennaskólanum við verkefnavinnu og fengu kennslu í útsaum, spuna, prjóni og hekli hjá Jóhönnu Pálmadóttur. Ragnheiður Björk Þórsdóttir, deildarstjóri Verkmenntaskólans á Akureyri, kom og kenndi nemendum vefnað.

Þekkingarsetur var samstarfsaðili Textílseturs Íslands, Ullarselsins á Hvanneyri, Landbúnaðarháskólans á Hvanneyri og Bændasamtaka Íslands við undirbúning ráðstefnu um ull og ullarvinnslu. Ráðstefnan „4th North Atlantic Sheep and Wool Conference” var haldinn 4. – 9. september 2014 á Blönduósi. Meira en 100 manns frá þrettán þjóðum sóttu ráðstefnuna heim. Þekkingarsetrið hlaut styrk frá Menningarráði Norðurlands vestra vegna verkefnisins.

Unnið var að ýmsum öðrum verkefnum, þar á meðal átaksverkefni um ferðamál í samstarfi við Ferðamálafélag A-Hún., og þýðingar. Kynningarfundir voru haldnar vegna niðurstöðu úr þarfagreiningu á námsframboði á Norðurlandi vestra í samstarfi við Farskóla NV. 

Fjarnámsaðstöðu (Námsver) sem staðsett var á Þverbraut 1 á Blönduósi var flutt í Kvennaskólann í haust, og hafa starfsmenn setursins síðan haft umsjón með því. 24 fjarpróf á framhaldsskóla – og háskólastigi áttu sér stað í Kvennaskólanum árið 2014.

Sérfræðingar Þekkingarsetursins unnu að rannsóknaverkefnum á sviði laxfiska og strandmenningar og tóku þátt í ráðstefnum og málþingum innanlands og utan. Þau kynntu sig og rannsóknir sínar fyrir nemendum grunnskóla á svæðinu og leiðbeindu háskólanemum við lokaritgerðir og rannsóknarverkefni. Að auki bjuggu þau til fræðsluefni um laxfiska fyrir Laxasetur Íslands, skipulögðu fyrirlestur í Kvennaskólanum og fræðslugöngu um lífríki Blöndu á Húnavöku, bæjarhátíð Blönduóss.

Framundan eru spennandi tímar við frekari rannsóknarvinnu á sérsviðum setursins og uppbygging innlendra- og erlendra tengsla. Mörg tækifæri eru á sviði textíls og mun áhersla verða áfram lögð á samþættingu á sviði textíls, uppbyggingu textílnáms í samstarfi við textílstofnana og háskóla innanlands sem utan, og uppbyggingu listamiðstöðvarinnar í Kvennaskólanum.

Hlutverk Þekkingarsetursins er m.a. að stuðla að auknu samstarfi og samþættingu menntunar, rannsókna og fræðastarfs til hagsbóta fyrir svæðið. Hvetjum við fólk til að líta við hjá okkur bæði á sýningar listamanna, fyrirlestra og annað sem hér er á döfinni hverju sinni. Ekki síður hvetjum við fólk til að hringja eða líta til okkar á skrifstofutíma í Kvennaskólann, ef einhverjar spurningar vakna.

Fleiri upplýsingar má finna á heimasíðu setursins, www.tsb.is.

Höf. rzg
 
Prenta Prenta  
 
Til baka
 

©2024 Húnahornið