Félagsheimilið á Blönduósi var fullt út að dyrum þegar fimmta Landsmót UMF� var sett í gærkvöldi. Yfir 400 manns voru á setningunni og mikil og góð stemning, að því er fram kemur á vef UMF�. Keppni á mótinu hófst á föstudaginn í einstakri veðurblíðu og var haldið áfram í allan dag í góðu veðri. Mótinu lýkur síðan eftir hádegið á morgun.

Helga Guðrún Guðjónsdóttir, formaður UMF�, setti mótið og meðal annarra sem fluttu ávörp voru Illugi Gunnarsson, mennta- og menningarmálaráðherra, Einar Kristján Jónsson, formaður landsmótsnefndar, og Haukur Ingibergsson formaður Landssambands eldri borgara.

� setningunni voru veittar viðurkenningar í þakklætisskyni fyrir vel unnin störf. Helga Guðrún Guðjónsdóttir, formaður UMF� færði Blönduósbæ viðurkenningu fyrir framkvæmd og aðkomu að mótinu sem tókst afskaplega vel.

Valgarður Hilmarsson, forseti bæjarstjórnar Blönduóss, veitt viðurkenningunni móttöku, og þakkaði UMF� og öllum þeim sem komu að framkvæmd og undirbúningi mótsins fyrir vel unnin störf.

Þá voru tveir einstaklingar sæmdir starfsmerki UMF�. Helga Guðrún Guðjónsdóttir sæmdi þær Sigrúnu Líndal og Berglindi Björnsdóttir starfsmerki hreyfingarinnar fyrir vel unnin störf innan Héraðssambands Austur-Húnvetninga.