Héraðsmót USAH í frjálsum íþróttum fór fram á Blönduósvelli í gær og fyrradag. Veðrið setti nokkurn svip á mótið en kalt var í veðri og mikill vindur. Hörku keppni var á mótinu á milli félaga en sigurvegari mótsins í liðakeppni varð Umf. Fram með 380,5 stig, í öðru sæti urðu Geislar með 368,5 stig, í þriðja sæti varð UMFB með 298 stig og í fjórða sæti varð Hvöt með 187 stig.

Í einstaklingskeppninni voru þessir sigurvegarar:

10-11 ára stúlkur Jóhanna Björk Auðunsdóttir, Hvöt 36 stig
10-11 ára piltar Brynjar Daði Finnbogason, Fram 32 stig
12-13 ára stúlkur Freyja Dís Jóhannsdóttir, Fram 26,5 stig
12-13 ára piltar Dagur Freyr Róbertsson, Fram 30,5 stig
14-15 ára stúlkur Valgerður Guðný Ingvarsdóttir, Fram 34 stig
14-15 ára piltar Sigurður Kristófer Skjaldarson, Geislar 32 stig
16-19 ára stúlkur Jenný Rut Valsdóttir, Geislar og Jóhanna Skagfjörð Jónsdóttir, Hvöt jafnar með 30 stig
16-19 ára piltar Anton Þór Einarsson, Fram 37,5 stig
20 ára og eldri konur Steinunn Hulda Magnúsdóttir, Geislar 54 stig
20 ára og eldri karlar Magnús Örn Valsson, Geislar 49 stig