Apríl 2024 | ||||||
S | M | Þ | M | F | L | |
31 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 1 | 2 | 3 | 4 |
Fyrri | Núna | Næsti |
Holtavörðuh. | 17:30 | 0 | 0°C |
Laxárdalsh. | 17:30 | 0 | 0°C |
Vatnsskarð | 17:30 | 0 | 0°C |
Þverárfjall | 17:30 | 0 | 0°C |
Kjalarnes | 17:30 | 0 | 0°C |
Hafnarfjall | 17:30 | 0 | 0°C |
13. apríl 2024 Klúðrið er víðaKlúðrið og bullið er víða í samfélaginu okkar og er af mörgu að taka. Ætla ég að nefna aðeins nokkur atriði. Landsbankaklúðrið í kringum kaupin á TM. Alveg er það merkilegt þegar embættis- menn telja sig geta tekið ákvarðanir um hvað sem þeim dettur í hug. ::Lesa |
Aldrei kom andinn yfir Nöldra í nóvember og ekkert var sett á skjá svo nú, þegar árið 2015 er að renna sitt skeið á enda er best að senda til ykkar síðustu kveðju ársins.
Ég skammaðist mín um daginn fyrir að vera Íslendingur. Það var þegar tekin var ákvörðun um að svipta Sigurð Einarsson fálkaorðunni. Orðuveitingin til Sigurðar sem ákveðin var sönn á sínum tíma er það ennþá. Sama hvaða rökum er beitt. Forsendur breytast ekki eftirá. Það er ekkert sem kallast getur „eftirsendur“ sem andheiti við forsendur. Það er ekki hægt að tala um breyttar forsendur.
Augljóst er að eitthvað hefur verið að ferlinu á sínum tíma fyrst hægt er að meta satt ósatt. Hin raunverulega rétta eða sanna ákvörðun núna hefði verið sú að skoða hvernig standa beri að orðuveitingum í ljósi „reynslunnar“, í stað þess að skella sökinni á Sigurð og láta sem þeir, þessir orðuveitingamenn, beri sjálfir enga ábyrgð (og halda svo áfram að veita orður því fólki sem getur hugsanlega gerst „sekir“ í framtíðinni). Sigurður Einarsson hefur verið sviptur ærunni með þessari sönnu ákvörðun dagsins. Ótti fólks virðist enn til staðar eftir kreppu. Fólk óttast sig fyrst og fremst. Núna ríður á að Sigurður Einarsson skilji sig sterkan, því að æran er sú sem maður sjálfur metur hana.
Það skýtur óneitanlega skökku við að á sama tíma og aldrei hafa fleiri ferðamenn lagt leið sína um landið, sé tilkynnt um lokun Laxasetursins á Blönduósi. Ég skoðaði Laxasetrið á sínum tíma og fannst nú ekki margt þar að sjá en maður vonaði að það myndi eflast og stækka með árunum. Ég hef komið í Selasetrið á Hvammstanga og þessi tvö söfn er engan vegin hægt að bera saman hvað varðar alla umgerð. Selasetrið er auðvitað í mun stærra húsnæði og fræðsla um seli hér við flóann ýtarleg og sýningin öll skemmtilega sett upp. Þá gefur selaskoðunarsigling sem hægt er að fara í frá Hvammstanga, safninu mikið vægi og ekki skemmir fyrir bráðskemmtilegur veitingasalur sem er kominn uppi á lofti í sama húsi og safnið. Þarna er mjög fagmannlega að verki staðið og greinilegur metnaður lagður í verkefnið. Í fjölmiðlum var nýlega sagt frá því að samkvæmt upplýsingum frá Hagstofu Íslands hefðu 2,1 milljónir manna heimsótt söfn og skylda starfsemi á landinu árið 2014 og hefði fjölgað um 400 þúsund milli ára. Mig grunar að söfn og setur á Blönduósi hafi ekki fengið neitt stórkostlegan fjölda þessara ferðamanna í heimsókn til sín. Hverju er um að kenna? Mín skoðun er sú að það þurfi að setja miklu meiri kraft og peninga í allt sem snýr að ferðmennsku hér ef við ætlum að njóta góðs af þessari gríðarlega fjölgun ferðamanna til landsins. Það eru því hugrakkir menn sem hafa lýst áhuga á að byggja hér nýtt hótel og ég tæki ofan hattinn fyrir þeim, ætti ég einhvern.
„Vegagerðin hefur áform um að lagfæra og bæta þjóðveginn í gegnum Blönduós og Blöndubrúna.“ Þetta er upphaf fréttar sem birtist á þessum miðli 17. nóvember s.l. Þau eru ófá skiftin sem nöldrað hefur verið hér um nauðsyn þess að lagfæra Blöndubrúna og hringtorgið sunnan hennar. Það þarf nauðsynlega að byggja göngubrú til hliðar við brúna svo hægt sé að breikka hana. Bílarnir stækka, umferðin eykst og brúin er bara einfaldlega allt of mjó. Því miður er það svo að það líða alltaf mörg ár frá því að umræður um endurbætur hefjast og þar til hafnar eru framkvæmdir. Má t.d. benda á Skagastrandaveginn því til sönnunar. Þar gerist ekki neitt. Hann var þó kominn inn á eitthvert verkefnaplan hjá vegagerðinn fyrir 1 eða 2 árum. Bæði hann og Blöndubrúin eru stórvarasamir vegakaflar og hringtorgið okkar hefur alla tíð verið allt af lítið og er illa hannað.
Það er gleðiefni að tvær atorkusamar konur, þær Anna Margrét og Kristín Ósk hafa tekið við rekstri Félagsheimilisins okkar og snjallt hjá þeim að bjóða bæjarbúum í kaffisopa og spjall þar sem ræddar voru hugmyndir um hvernig best megi koma lífi í húsið og efla starfsemi þess. Ég hef fulla trú á þeim stöllum og er viss um að þær eiga eftir að gera góða hluti í þessu glæsilega samkomuhús okkar sýslubúa og óska þeim alls hins besta.
Nú eru örfáir dagar í vetrarsólstöður, þegar daginn tekur að lengja og svo koma blessuð jólin með allt það góða sem þeim fylgir ávallt. Ég óska öllum sem þessar línur lesa gleðilegra jóla og farsældar á nýju ári.
Lifið heil, Nöldri.
02. apríl 2023 Sjö leiðir til að létta þér þrifin í vor og sumarNú er vorið komið og sumarið framundan og þá er ekki úr vegi að koma með nokkur góð húsræða. ::Lesa |
03. febrúar 2023 Á ferðalagiGuðmundur var að spjalla við Tóta, bróður sinn í Kaliforníu. ::Lesa |