Fréttir | 05. febrúar 2016 - kl. 06:48
Kvennakórinn Sóldís heldur sína árlegu konudagstónleika, sunnudaginn 21. febrúar í Menningarhúsinu Miðgarði í Skagafirði og hefjast þeir klukkan 15:00. Hnallþóruhlaðborð að hætti kvennakórskvenna að loknum tónleikum. Kórstjóri er Helga Rós Indriðadóttir og undirleikari Rögnvaldur Valbergsson.
Kvennakórinn Sóldís var stofnaður haustið 2010 af þremur konum í Skagafirði, þeim Drífu Árnadóttur á Uppsölum, Írisi Olgu Lúðvíksdóttur í Flatatungu og Sigurlaugu Maronsdóttur á Sauðárkróki.