Fyrri mynd
Nsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Hnahornið
Open Menu Close Menu
Hnahornið
Föstudagur, 29. mars 2024
   m/s
C
CW
huni.is - RSS-efnisveita
 
Mars 2024
SMÞMFL
252627282912
3456789
10111213141516
17181920212223
24252627282930
31123456
FyrriNúnaNæsti
Veðurstofa Íslands Vegagerðin
Holtavörðuh. 08:52 0 0°C
Laxárdalsh. 08:52 0 0°C
Vatnsskarð 08:52 0 0°C
Þverárfjall 08:52 0 0°C
Kjalarnes 08:52 0 0°C
Hafnarfjall 08:52 0 0°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
18. ágúst 2023
Okur, íslenska og illgresi
Já komið þið sæl og blessuð. Nöldri er ekki dauður úr öllum æðum þó langt sé um liðið frá síðasta nöldurpistli. Af nógu er að taka í nöldrinu en ég ætla þó aðeins að nefna nokkur atriði að þessu sinni. Fyrst ætla ég að byrja á verðlaginu í Kjörbúðinni okkar hér á Blönduósi.
::Lesa
Leita í netfangaskrá
 
Eftir Inga Heiðmar Jónsson
27. mars 2024
71. þáttur. Eftir Jón Torfason
24. mars 2024
Eftir Inga Heiðmar Jónsson
22. mars 2024
Eftir Bjarna Jónsson
17. mars 2024
Eftir Inga Heiðmar Jónsson
15. mars 2024
Eftir Bjarna Jónsson
11. mars 2024
Nöldrið | 02. mars 2016 - kl. 21:51
Marsnöldur

Langþráður íbúafundur var haldinn á Blönduósi í síðasta mánuði. Þar fengust ítarlegar upplýsingar um sorphirðumál bæjarins og flest sem tengist förgun úrgangs frá heimilum bæjarbúa. Á fundinum var einnig rætt um ökuhraða og öryggismál á götum bæjarins og sýndist sitt hverjum um þau mál. Lýstu einhverjir yfir áhyggjum af hraðakstri á þjóðveginum í gegnum bæinn. Þá bar á góma ástand Blöndubrúarinnar og þjóðvegar 1 sem liggur gegnum bæinn og var hiti í mönnum sem eðlilegt er því bæði þjóðvegurinn og brúin eru og hafa verið lengi í afleitu ástandi. Vegagerðin hefur lítið viljað sinna um viðhald og eflaust ekki talið þörf á úrbótum þegar útlit var fyrir að farið yrði í framkvæmdir við Svínavatnsleið og vegurinn fluttur úr bænum en nú munu þær vanhugsuðu hugmyndir vera úr sögunni að mér skilst. Ráðamenn bæjarins voru eindregið hvattir til að láta nú hendur standa fram úr ermum og berja það í gegn að hafist verið handa um lagfæringar á hringtorginu, veginum og brúnni undir eins. Því eins og einhver fundargesta sagði: Það er ekki spurning um það hvort, heldur hvenær slys verður á/eða við brúna.

Í sjónvarpsfréttum í síðasta mánuði sagði frá kór í Nottingham í Egnlandi sem eingöngu er skipaður laglausu fólki. Þarna mátti sjá hóp fólks sem söng af hjartans list og ef grannt var hlustað mátti heyra að þau voru að syngja Abba lagið Dancing Queen og gleðin skein úr hverju andliti. Félagar í kórnum, sem haft var viðtal við, sögðust vart geta lýst þeirri gleði sem því fylgdi að geta sungið fullum hálsi án þess að skammast sín þrátt fyrir að hitta sjaldnast á rétta tóninn. Og gaman var að hlusta á þau. Mér svona datt það í hug hvort þarna væri ekki komið fyrirtaks skemmtiefni á Húnavökuna í sumar. Auglýsa eftir laglausu fólki um land allt, fá snjallan kórstjóra, taka nokkrar æfingar og halda söngskemmtun fyrir Húnavökugesti. Nú heyrir maður auglýstar samkomur í höfuðborginni þar sem fólk kemur saman og syngur lög sem flestir kunna (þar er nú ekki verið að leita að laglausu fólki þó eflaust megi það syngja líka). Textablöð liggja frammi, undirleikari og forsöngvari leiða sönginn og allir skemmta sér. Þetta verður sífellt vinsælla, enda vitum við sem sækjum þorrablótin hér á Blönduósi  hvað fjöldasöngurinn í Félagsheimilinu er vinsæll og spurning hvort bæjarbúar ættu ekki að taka lagið saman oftar en á þorranum.

Bráðum kemur betri  tíð með blóm í haga, sæta langa sumardaga. Það er reyndar svolítið í að við sjáum blóm í haga á sætum sumardögum, en þakklátur yrði ég að sjá á eftir snjónum og klakanum út í hafsauga. Það má reyndar alveg vera snjór í skíðabrekkunum fram yfir páska en svo ekki meir. Nú kjósum við okkur forseta í sumar og verða eflaust margir tilnefndir en fáir útvaldir. Það er alltaf líf og fjör í kringum kosningar, ekki síst þegar kjósa á forseta en ósköp finnst mér sumir þeir sem telja sig hæfa í embættið hafa lítið til brunns að bera. Því segi ég eins og vitur maður sagði: Gerum ekki forsetaembættið að skrípaleik, leggjum það frekar niður.

Enn standa ónýtar druslur við þjóðveg 1 og nú er farið að skipta út, ein fer og önnur kemur í staðinn.

Með von um gott vor og gleðilega páska,

Nöldri.

Höf. Nöldri
 
Prenta Prenta  
 
Til baka
 

©2024 Húnahornið