Listamenn Listamiðstöðvar Textílseturs �slands sem dvalið hafa í Kvennaskólanum allan aprílmánuð héldu listasýningu í Bílskúrsgalleríi þriðjudaginn 26. apríl sl.

Þau Vanessa Falle, Richard McVetis, Marie O’Connor, Celia Pym, Sofia Salazar, Ginni Seehagel og Cornelia Theimer Gardella sýndu afrakstur vinnu sinnar á sýningunni sem var vel sótt og vöktu verk listamannanna verðskuldaða hrifningu. Þessar mánaðarlegu sýningar eru alltaf að verða vinsælli hjá bæjarbúum sem eru búnir að uppgötva þessa skemmtilegu hefð listamannanna. Nú um mánaðamótin mæta svo nýir listamenn og gaman verður að sjá í hvað þeir nýta tímann sinn á Blönduósi.