Rekstur sveitarsjóðs og stofnana Skagastrandar á síðasta ári var jákvæð um 33,5 milljónir króna sem er viðsnúningur frá árinu 2014 þegar afkoman var neikvæð um 18,8 milljónir króna. Seinni umræða um ársreikning sveitarfélagsins og stofnana þess fór fram á sveitarstjórnarfundi í síðustu viku og var hann samþykkur. � honum kemur fram að rekstrartekjur námu 576,6 milljónum króna en voru 525,5 milljónir króna árið 2014 og nemur hækkunin 9,7%. Rekstrargjöld námu 561,1 milljón króna en voru 560,2 milljónir króna árið 2014. Tap var af rekstri A hluta fyrir afskriftir, fjármunatekjur og fjármagnsgjöld að fjárhæð 8,9 milljónir króna en rekstrarniðurstaðan jákvæð um 2,9 milljónir króna.

� fundargerð sveitarstjórnar segir að rekstrarniðurstaða samstæðunnar sé 11,7 milljónum króna. betri en fjárhagsáætlun með viðaukum hafi gert ráð fyrir en rekstrarafkoma ársins var áætluð jákvæð um 21,9 milljónir króna.

Eigið fé samstæðu sveitarfélagsins í árslok 2015 nam 1.224 milljónum króna og eiginfjárhlutfall var 73,2% í lok árs en var 72,9% í árslok 2014. Langtímaskuldir námu 263,3 milljónum króna og tilheyra þær eingöngu félagslegum íbúðum. Veltufjárhlutfall nam 13,06 en var 12,37 í árslok 2014.

Samkvæmt yfirliti um sjóðstreymi var veltufé frá rekstri samstæðunnar 70,9 milljónir króna og handbært fé frá rekstri nam 79,2 milljónum króna. Engin ný lán voru tekin á árinu. Handbært fé samstæðunnar nam 490,7 milljónum króna í árslok auk 142,4 milljón króna skammtímaverðbréfaeignar.