Síðastliðna nótt skaut refaskyttan Vignir Björnsson ref sem var á veiðum við Blöndubrúna. Vignir fylgdist með refnum þar sem hann færði sig upp með ánni í áttina að Hrútey og fældi hann mikið af fugli á leið sinni. Þegar Vignir komst í gott færi skaut hann refinn og var hann með gæsaregg í kjaftinum eins og meðfylgjandi myndir sýna sem teknar voru af Róberti Daníel Jónssyni og birtar eru á Facebook síðu hans.

Eggið var óbrotið og pikkfast í kjaftinum á refnum þegar Vignir sótti hann eins og sést á myndinni.