Laugardaginn 4. júní næstkomandi verður Birgit Kositzke með opið hús í kanínubúi sínu á Syðri-Kárastöðum í Húnaþingi vestra. Tekið verður á móti gestum milli klukkan 13 og 17. Kvenfélagið Freyja sér um kaffi og kleinur eins og félagið hefur gert á opnu húsi undanfarin ár. Og að sjálfsögðu verða kanínur á staðnum.

Birgit segir í samtali við Bændablaðið að hún vonast til að geta fengið nokkrar handverksmanneskjur í heimsókn. Þar á meðal verður væntanlega Jóhanna frá Hvammstanga sem er að vinna úr beinum, hornum og hrossahári. Einnig Guðmundur �sfeld frá Jaðri sem er að búa til mjög fallega hnífa. Hugsanlega verða fleiri handverksmenn og konur á staðnum, en undirbúningsvinna er á fullu. Vonast Birgit til að sauðburður verði að mestu afstaðinn hjá því leiklistar- og handverksfólki sem er í búskap.

Magnús �sgeir Elíasson, tónlistarmaður, sauðfjárbóndi, hestamaður og dýragarðsrekandi á Litlu-�sgeirsá ætlar að mæta á svæðið og skemmta fólki með með hljóðfæraleik og söng. Um kaffileytið mun Hrafnhildur �r Víglundsdóttir svo mæta og syngja með Magnúsi. Svo gæti verið að "hestamenn" frá Hvammstanga komi ríðandi í heimsókn.

Birgit segir að markmiðið sé að bjóða fólk á smá vorskemmtun og þakka öllum þeim sem stutt hafa Kanínu ehf. í gegnum fjármögnunarsjóðinn Karólínafund.