Selatalningin mikla fór fram í tíunda skipti 21. júlí síðastliðin og sáust 580 selir sem er meira en síðustu tvö ár, en þó minna en árlegt meðaltal hefur gefið til kynna. Alls tóku 57 innlendir og erlendir sjálfboðaliðar þátt í talningunni þetta árið. Markmið talningarinnar er að fylgjast með fjölda og staðsetningu sela á um 100 km strandlengju Vatnsness og Heggstaðarness á Norðurlandi vestra.

Auk Ã¾ess er selatalningin frábært tækifæri fyrir almenning til þess að fræðast um selarannsóknir þar sem þátttakendur aðstoða við að safna gögnum og upplifa vísindalega vettvangsvinnu.

Sjálfboðaliðar eru mikilvægasti þáttur þessarar rannsóknar. Þeirra hjálp gerir það mögulegt að safna gögnum á stóru svæði á þeim stutta tíma meðan fjara varir og flestir selir liggja á landi. � tilkynningu frá Selasetrinu er þeim þökkuð hjálpin.

Þau 10 ár sem Selatalningin mikla hefur farið fram hafa sést að meðaltali 760 selir hvert sinn. �rin 2008 og 2009 sáust flestir selir eða yfir 1.000 selir bæði árin en árið 2012 sáust aðeins 422 selir. � ár sáust alls 580 selir eins og áður sagði.

Ã� tilkynningu Selasetursins segir að þessar tölur eigi aðeins við um fjölda sela á Vatnsnesi og Heggstaðarnesi á þeim tíma sem Selatalningin mikla fer fram. Þrátt fyrir að fækkun virðist eiga sér stað séu ýmsir þættir sem geti haft áhrif á fjölda þeirra sela sem sjást hvert sinn. Veður hafi mikil áhrif en líkt og við mennirnir kjósi selir helst að liggja á þurru í vindlitlu, heitu og sólríku veðri. Ã� ár var þokukennt, létt úrkoma, um 9 gráðu hiti og nokkur vindur en í slíkum aðstæðum getur verið ákjósanlegra fyrir suma seli að svamla um í sjónum frekar en að liggja á landi.