Fjallaskokk Ungmennasambands Vestur-Húnvetninga fór fram fimmtudaginn 21. júlí síðastliðinn. Þátttakendur voru tíu, fjórir í gönguhóp og sex í keppnishóp. Aron S. Ólafsson sigraði í karlaflokki 16-49 ára en hann skokkaði yfir Vatnsnesfjallið, frá Grund í Vesturhópi og niður í Kirkjuhvamm á Hvammstanga, á 1 klukkustund og 16,5 mínútum. Sóley Elsa Magnúsdóttir Blöndal sigraði í kvennaflokki 16-49 ára en hún hljóp á 3 klukkustundum og 11 mínútum.

Efstu þrjú sætin í karla- og kvennaflokki hlutu vandaða peysu frá 66° norður í verðlaun.

Hlaupaleiðin yfir Vatnsnesfjall er um 12 kílómetrar og er hækkun á milli 400-500 metrar. Fjallaskokkið er keppni þar sem gildir að vera fyrstur yfir fjallið.Aðalatriðið er að vera með og hafa ánægju af.