Tilkynningar | 25. ágúst 2016 - kl. 13:04
Málþing um Konráð Gíslason, málfræðing og einn Fjölnismanna, verður haldið í Kakalaskála í Skagafirði laugardaginn 3. september næstkomandi. Málþingið hefst klukkan 14:00 og endar með pílagrímsför að minnisvarðanum um Konráð klukkan 17:00.
Á málþinginu taka til máls Hjalti Pálsson, Eiríkur Rögnvaldsson, Svanhildur Óskarsdóttir, Páll Valsson og Sveinn Yngvi Egilsson. Málþingsstjóri verður Guðrún Ingólfsdóttir.
Dagskráin er eftirfarandi:
14:00 Hjalti Pálsson: „Konráð Gíslason! – Hvaða maður er það?“
14:30 Eiríkur Rögnvaldsson: Fræðimaðurinn Konráð og íslenskan
15:00 Svanhildur Óskarsdóttir: Hrærivél Konráðs og Njáluútgáfan 1875–89
15:30–16:00 Kaffihlé
16:00 Páll Valsson: „Hér er allt svo dauft og sem í draumi“ – Var Konráð Gíslason skáld?
16:30 Sveinn Yngvi Egilsson: „…þó maður sje aldrei nema nokkurneginn einlægur, eins og jeg er“: Bréfritarinn Konráð Gíslason
17:00 Pílagrímsför að minnisvarðanum um Konráð Gíslason
Kakalaskáli stendur að þinginu í samvinnu við Málvísindastofnun Háskóla Íslands og Stofnun Árna Magnússonar í íslenskum fræðum, með styrk frá Uppbyggingarsjóði Norðurlands vestra.