Ljósin á jólatrénu við Félagsheimilið á Hvammstanga verða tendruð á morgun, laugardaginn 3. desember, klukkan 17:00. Aðalsteinn G. Guðmundsson mun leika jólalög og krakkar úr 4.og 5. bekk sjá um söng. Jólasveinar kíkja í heimsókn með góðgæti fyrir börnin. Fyrr um daginn fer fram jólamarkaður Rauða krossins á Hvammstanga. � sunnudaginn verða jólatónleikar á Laugarbakka.

� morgun fer einnig fram jólamarkaður Rauða krossins á Hvammstanga frá klukkan 11 til 17 í aðstöðu dreifnámsins, á neðri hæð Félagsheimilisins. Allur ágóði af sölu markaðsins mun renna í Jólasjóð Húnaþings vestra. Jólasjóðurinn starfar í samstarfi við félagsþjónustuna og kirkjuna en sjóðurinn aðstoðar fjölskyldur og einstaklinga á svæðinu eftir þörfum. Einnig verður tekið við frjálsum framlögum í sjóðinn. Þeir sem ekki eiga heimangengt geta lagt inn á reikning Jólasjóðsins: 0159-15-380189, kt. 601213-0440.

Þá má minna á jólatónleika Jólahúnanna sem fara fram sunnudaginn 4. desember klukkan 13:30 og 17:00 í félagsheimilinu Ã�sbyrgi á Laugarbakka. Einkunnarorð tónleikanna eru „samstaða og kærleikur“. Söngvarar koma frá Skagaströnd, Blönduósi og Húnaþingi vesta og hljóðfæraleikarar frá Hvammstanga. Kaffisala og jólaglögg verður í hléi undir lifandi hljóðfæraleik.

Jólahúnarnir eru þau Skúli Einarsson (umsjón og skipulag), Daníel Geir Sigurðsson (bassi og tónlistarstjórn), Guðmundur Hólmar Jónsson (gítar), Elinborg Sigurgeirsdóttir (hljómborð), Sigurvaldi �. Helgason (trommur og tæknistjórn) og Ellinore Anderson (lágfiðla). Gunnar Smári Helgason sér um hljóðblöndun.