Fyrri mynd
Nsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Hnahornið
Open Menu Close Menu
Hnahornið
Fimmtudagur, 28. mars 2024
   m/s
C
CW
huni.is - RSS-efnisveita
 
Mars 2024
SMÞMFL
252627282912
3456789
10111213141516
17181920212223
24252627282930
31123456
FyrriNúnaNæsti
Veðurstofa Íslands Vegagerðin
Holtavörðuh. 20:18 0 0°C
Laxárdalsh. 20:18 0 0°C
Vatnsskarð 20:18 0 0°C
Þverárfjall 20:18 0 0°C
Kjalarnes 20:18 0 0°C
Hafnarfjall 20:18 0 0°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
18. ágúst 2023
Okur, íslenska og illgresi
Já komið þið sæl og blessuð. Nöldri er ekki dauður úr öllum æðum þó langt sé um liðið frá síðasta nöldurpistli. Af nógu er að taka í nöldrinu en ég ætla þó aðeins að nefna nokkur atriði að þessu sinni. Fyrst ætla ég að byrja á verðlaginu í Kjörbúðinni okkar hér á Blönduósi.
::Lesa
Leita í netfangaskrá
 
Eftir Inga Heiðmar Jónsson
27. mars 2024
71. þáttur. Eftir Jón Torfason
24. mars 2024
Eftir Inga Heiðmar Jónsson
22. mars 2024
Eftir Bjarna Jónsson
17. mars 2024
Eftir Inga Heiðmar Jónsson
15. mars 2024
Eftir Bjarna Jónsson
11. mars 2024
Nöldrið | 14. maí 2017 - kl. 19:27
Maínöldur - Gleðilegt sumar

Gleðilegt sumar öll þið sem þessar línur lesa. Við erum þegar búin að fá forsmekkinn af sumrinu með 20 stiga hita nokkra daga og það í byrjun maí. Þó við sjáum smá vorhret á glugga vitum við að það hlýnar aftur og sumarið kemur til baka með sól og blíðu.

Það hefur margt ánægjulegt verið að gerast hér í bænum okkar undanfarna daga og vikur. Fyrirtækið Vötnin Angling Service opnaði nýlega verslun sem selur handverk og ýmiskonar vörur fyrir ferðamenn. Þar fást einnig vörur fyrir veiðimenn ásamt því að hægt er að kaupa veiðileyfi í ár og vötn hér á svæðinu. Fyrirtæki þetta er í eigu hjónanna Eddu Brynleifsdóttur og Þorsteins Hafþórssonar, en Þorstein hefur nokkur undanfarin sumur verið leiðsögumaður veiðimanna sem stunda silungsveiði í vötnum og ám í nágrenninu.

Þá opnuðu þau Ingunn María Björnsdóttir og Sighvatur Steindórsson fiskbúð á Blönduósi fyrir nokkrum dögum. Ég hef spurt marga gamla Blönduósinga hvort fiskbúð hafi nokkurn tíma verið rekin hér í bænum fyrr og segja þeir mér svo ekki vera, svo þetta eru mikil tímamót. Í búðinni okkar „Fisk á disk“ er fjölbreytt úrval fisktegunda og ekki á hverjum degi sem hægt hefur verið að kaupa glænýjan fisk á Blönduósi.

Einnig má nefna að framkvæmdum er nú lokið við húsnæði Póstsins við Hnjúkabyggð og var nýlega opnuð þar glæsileg aðstaða eftir gagngerar breytingar. Ekki er annað að sjá en miklar framkvæmdir séu á Hótel Blönduósi, þar er verið að breyta og betrumbæta og það sama á við um gamla Ljón norðursins, þar sem nýir eigendur taka til hendinni og bæta aðstöðuna fyrir gesti sumarsins. Þá er ekki langt síðan matvörubúð okkar Blönduósinga breyttist úr Samkaup-Úrval í Kjörbúðina, viðskiptavinum til hagsbóta með lægra vöruverði og skemmtilegri búð. Það er því ekki hægt að segja að hér gerist aldrei neitt og vert að óska öllu þessu athafnafólki góðs gengis í sínum verkefnum.

Nýjustu fréttir sem lesa má á Húnahorninu ættu líka að gleðja heimamenn og Húnvetninga alla, en það er styrkur til rannsóknarverkefnis í textílfræðum sem Rannís veitir Þekkingarsetrinu í Kvennaskólanum. Ég er ekki viss um að allir geri sér grein fyrir allri þeirri starfsemi sem fram fer í Kvennaskólanum og hversu mikill menningarauki hún er fyrir bæinn. Kannski er Kvennaskólinn og það sem hann býður upp á að verða frægari meðal listafólks úti í heimi sem sækist eftir að dvelja þar,en hérna í túngarðinum. Ég vil benda fólki á að lesa fréttina um þennan samstarfssaming og gleðjast með starfsfólki Textíl- og Þekkingarsetursins yfir þeim fjárveitingum sem lofað er á  næstu árum. 

Ekki veit ég hve mörg ár Nöldri hefur verið fastagestur með pistla sína á Húnahorninu. Gaman er að lesa gamlar greinar frá Nöldra og margt skrýtið sem hefur pirrað hann á liðnum árum. Eitt af því sem nöldrarar á árum áðum nöldruðu yfir var hve lítið væri gróðursett af tjárplöntum í bæjarlandinu. Þeir hafa verið aðeins of fljótir á sér, því litlar trjáplöntur þurfa nokkur ár að potast svo upp úr jörðinni að þær verði sýnilegar úr fjarlægð. Ég hef tekið eftir því í vetur að í bæjarlandi Blönduóss eru víða að vaxa upp myndarlegir trjálundir sem eftir nokkur ár munu prýða bæinn og umhverfi hans svo eftir verður tekið. Það hefur verið sett ótrúlega mikið af trjáplöntum niður í landi Vatnahverfis og þar er að vaxa upp fallegur skógur bæði í hlíðunum fyrir ofan Golfskálann og einnig inn á milli vatnanna. Þarna er að verða til dásamlegt útivistarsvæði Blönduósinga, við vötnin, innan um trjágróðurinn og berin. Þetta ber að þakka fyrir.

Nöldri er heldur betur á jákvæðu nótunum í þessum vorpistli og ekki annað hægt með fuglasönginn fyrir utan gluggann (gargið í bæjarfuglunum okkar gæsunum, þar með talið), bjartar nætur framundan og öll él birtir upp um síðir.

Njótið sumarsins, kveðja frá Nöldra.

Höf. Nöldri
 
Prenta Prenta  
 
Til baka
 

©2024 Húnahornið