Tilkynningar | 25. ágúst 2017 - kl. 15:30
Búnaðarsamband Húnaþings og Stranda og Félag sauðfjárbænda í Skagafirði boða hér með til opins umræðufundar um stöðu og málefni sauðfjárbænda um þessar mundir. Fundurinn verður haldinn í Félagsheimilinu á Blönduósi miðvikudaginn 30. ágúst nk. klukkan 20:00.
Framsögu munu hafa
- Ágúst Andrésson, formaður Landssamtaka sláturleyfishafa
- Oddný Steina Valsdóttir, formaður Landssamtaka sauðfjárbænda
- Sigríður Ólafsdóttir, ráðunautur á rekstrarsviði RML
Sveitarstjórnarfólki af svæðinu, fulltrúum SSNV, þingmönnum norðvestur kjördæmis og fleiri ráðamönnum hefur einnig verið boðið á fundinn.
Allir sauðfjárbændur hvattir til að mæta, láta rödd sína heyrast og koma sínum skoðunum á framfæri.
Félag sauðfjárbænda í Skagafirði
Búnaðarsamband Húnaþings og Stranda