Framleiðnisjóður landbúnaðarins og Ráðgjafarmiðstöð landbúnaðarins standa í ágúst fyrir fundaherferð með það markmið að hvetja til nýsköpunar í sveitum. Einn slíkur verður í félagsheimilinu Víðihlíð 22. ágúst næstkomandi klukkan 20:00. Fundirnir verða öllum opnir og eru sem flestir hvattir til að mæta.

Aðalfyrirlesari fundanna er Guðmundur Guðmundsson, landsliðsþjálfari í handbolta og flytur hann erindi sem ber nafnið Leiðin til sigurs. Erindið fjallar um árangursríka markmiðssetningu og hvað þarf til að ná framúrskarandi árangri. Fjallað er um uppbyggingu liðsheildar, samskipti og innleiðingu breytinga.

Að auki eru fengnir til leiks reynsluboltar í sölu vöru og þjónustu beint frá býli, sem ætla að miðla af reynslu sinni varðandi þróun og markaðssetningu. Þá verður erindi frá ráðunautum RML varðandi ýmsa sjóði sem hægt er að sækja styrki í, ásamt því hvernig umsóknarferlið fer fram.

22. ágúst kl 20:00 Húnavatnssýslur – félagsheimilið Víðihlíð
23. Ágúst kl 13:00 Strandasýsla – Sauðfjársetrið á Ströndum
24. Ágúst kl 13:00 Dalasýsla – Dalabúð
28. Ágúst kl 13:00 Skagafjarðarsýsla – félagsheimilið Hofsósi