Hópbifreið á suðurleið lenti utan vegar skammt sunnan við Víðihlíð í gærkvöldi. Alls voru 30 ungmenni á aldrinum 16-19 ára í bílnum auk ökumanns. Bifreiðin valt ekki og enginn meiddist. Vel gekk að ná bílnum upp með aðstoð björgunarsveita og bónda af nálægum bæ á stórri dráttarvél. Fólkið fékk gistingu í nágrenninu og hélt svo áfram ferð sinni í morgun. Mikil hálka var á vegum í Húnavatnssýslum í gær og mjög hvasst.

Sagt var frá þessu á Facebook síðu Lögreglunnar á Norðurlandi vestra í gærkvöldi, þaðan sem meðfylgjandi myndi eru fengnar.