Félags- og skólaþjónusta A-Hún. leitar eftir ábyrgðarfullum einstaklingum til að starfa við tilsjón eða liðveislu.

Tilsjón er úrræði er í barnavernd þar sem aðili er ráðinn til að styðja við uppeldishlutverk foreldra/forsjáraðila. Verkefnin eru mjög fjölbreytt og geta m.a. falist í því að koma á skipulagi í heimilishaldi í samvinnu við fjölskyldur, leiðbeina um viðeigandi uppeldishætti eða veita stuðning í hinum ýmsu aðstæðum.

Liðveisla er veitt einstaklingum til að rjúfa félagslega einangrun og/eða til að styðja við sjálfstæði þeirra. Um er að ræða fjölbreytt og gefandi verkefni sem reyna á frumkvæði og aðlögunarhæfni liðveitenda. Ungir karlmenn (eldri en 18 ára) eru sérstaklega hvattir til að sækja um. Starfið krefst útsjónarsemi, sjálfstæði og víðsýni.

Ekki er sótt um á sérstökum eyðublöðum heldur skal senda umsókn rafrænt í tölvupósti til Ásdísar Ýr Arnardóttir félagsmálastjóra, á netfangið asdis@felahun.is þar sem getið er um menntun og reynslu viðkomandi. Ekki er um að ræða sérstakan umsóknarfrest.

Vakin er athygli á því að við ráðningu skal liggja fyrir sakavottorð eða heimild félagsmálastjóra til að afla upplýsinga úr sakaskrá.