Fréttir | 26. mars 2020 - kl. 07:03
Húnvetningurinn Ásgeir Trausti ríður á vaðið í kvöld á tónleikum Hljómahallar og Rokksafns Íslands. Þar sem gestir komast ekki á tónleikana í Hljómahöll og loka þurfti Rokksafninu þá geta gestir kíkt í rafræna heimsókn. Boðið verður upp á beina útsendingu frá tónleikunum á Facebook síðu Hljómahallar og hefjast þeir klukkan 20.
Hljómahöll og Rokksafn Íslands hafa ákveðið að bjóða landsmönnum upp á ýmsa tónlistartengda viðburði í gegnum streymi á netinu á þessum óvissutímum. Boðið verður upp á beinar útsendingar frá tónleikum í Hljómahöll þar sem fram koma Ásgeir Trausti, Moses Hightower, GDRN og Hjálmar. Þá fær Rokksafn Íslands í heimsókn þá Pál Óskar og Björgvin Halldórsson sem munu leyfa áhorfendum að skyggnast á bak við tjöldin við gerð sýninganna sem gerðar voru um þá á Rokksafni Íslands.
Einnig verður boðið upp á að taka þátt í Popppunkti um popp- og rokksögu Íslands með Dr. Gunna í gegnum Kahoot í beinni á netinu.
Tónleikadagskrá í beinni útsendingu á Facebook síðu Hljómahallar:
Ásgeir 26. mars klukkan 20:00.
Moses Hightower 2. apríl klukkan. 20:00.
GDRN 7. apríl klukkan 20:00.
Hjálmar 16. apríl klukkan 20:00.