Gerðir hafa verið nýir samningar við íþróttafélögin í Blönduósbæ. Samningarnir gilda fyrir árin 2021 og 2022, eða til tveggja ára. Formenn félaganna og sveitarstjóri hafa á undanförnum dögum verið að skrifa undir samningana en þeir eru við Ungmennafélagið Hvöt, Hestamannafélagið Neista, Júdófélagið Pardus, Skotfélagið Markviss og Golfklúbbinn Ós. Einnig voru gerðir nýir samningar við USAH, Björgunarfélagið Blöndu og Reiðhöllina Arnargerði.

„Með þessum samningum þessum er ætlað að efla samstarf Blönduósbæjar og félaganna til að tryggja öflugt íþrótta- og tómstundastarf í Blönduósbæ,“ segir á vef Blönduósbæjar.