Veðurstofa Íslands hefur gefið út gula veðurviðvörun fyrir Strandir og Norðurland vestra á morgun. Spáð er hvassviðri eða stormi, 15-23 metrum á sekúndu, með snjókomu eða skafrenningi. Hiti verður í kringum frostmark. Búast má við versnandi akstursskilyrðum og blindu, einkum á fjallvegum.

Gul veðurviðvörun hefur einnig verið gefin út fyrir Faxaflóa, Breiðafjörð og Vestfirði. Sjá nánar á vef Veðurstofunnar.