Tilkynningar | 05. maí 2021 - kl. 15:16
Lögreglustjórinn á Norðurlandi vestra auglýsir laust til umsóknar starf skrifstofumanns á starfsstöð embættisins að Suðurgötu 1 á Sauðárkróki. Um er að ræða 100% starf, tímabundið í eitt ár, og er æskilegt að viðkomandi geti hafi störf 1. júlí næstkomandi.
Helstu verkefni og ábyrgð:
- Launaskil, fjárreiður og bókhald
- Skjalavarsla
- Umsjá málaskrár og gagnavörslukerfa
- Almenn skrifstofustörf
- Önnur tilfallandi verkefni í samráði við lögreglustjóra.
Hæfniskröfur:
- Þekking og reynsla á launavinnslu er æskileg
- Þekking og reynsla á ORRA bókhaldskerfi er kostur
- Hæfni til að greina gögn og upplýsingar
- Þjónustulund og góð samskiptahæfni
- Skipulagshæfileikar og nákvæm vinnubrögð
Umsóknarfrestur er til og með 6. júní næstkomandi og skal umsóknum skilað til lögreglustjórans á Norðurlandi vestra, Suðurgötu 1, 550 Sauðárkróki, eða sendar á netfangið nordurland.vestra@logreglan.is.
Ráðningarkjör eru skv. kjarasamningi fjármálaráðherra f.h. ríkissjóðs og Sameykis.
Nánari upplýsingar veita Erna Rut Kristjánsdóttir, í síma 444-0700, eða póstfangið erk01@logreglan.is og Sigurður Kristjánsson í síma 444-0700 eða póstfangið shk01@logreglan.is.
Umsóknir sem berast eftir að umsóknarfresti lýkur verða ekki teknar til greina. Öllum umsóknum verður svarað þegar ákvörðun liggur fyrir.
Lögreglustjórinn á Norðurlandi vestra
Sigurður H. Kristjánsson