Árleg ferð Húnvetningafélagsins í Reykjavík norður í Þórdísarlund í Vatnsdal var farin 19. júní síðastliðinn. Tilgangur ferðarinnar var að hreinsa til, slá gras, setja kurl á stíga, bera á timburverk, tengja klósett og vaska, saga dauðar greinar og lagfæra ýmislegt. Svo var auðvitað kveikt upp í grillinu, kvöldverður snæddur, sungið og haft gaman.

Sagt er frá þessu á facebooksíðu Húnvetningafélagsins þaðan sem meðfylgjandi myndir eru fengnar en á síðunni má sjá fleiri myndir.