Fréttir | 27. október 2021 - kl. 14:58
Nýgengi kórónuveirusmita innanlands er nú 241,3 á hverja 100 þúsund íbúa og er faraldurinn í sókn. Samkvæmt vefsíðunni covid.is er einn einstaklingur í einangrun á Norðurlandi vestra og 19 í sóttkví. Í gær greindust 84 smit innanlands hér á landi og þar af voru 35 í sóttkví við greiningu. Nú eru 797 í einangrun , sem er fjölgun um 20 frá því í gær. 1.874 eru í sóttkví.
561 er í einangrun á höfuðborgarsvæðinu sem eru 27 fleiri en í gær. Á Suðurlandi eru 58 í einangrun og 57 á Suðurnesjum. Á Norðurlandi eystra eru 46 í einangrun, sem eru 8 færri en í gær, og á Vesturlandi eru 42 í einangrun.