Fréttir | 04. nóvember 2021 - kl. 09:16
Húnvetningurinn Jón Þorvaldur Heiðarsson, lektor við Viðskiptadeild Háskólans á Akureyri, flytur í dag á opinn málstofu í HA erindið „Vegir á Norðurlandi vestan Eyjafjarðar: Geta Blönduós, Skagaströnd og Sauðárkrókur orðið eitt atvinnusvæði?“ Í erindinu verða möguleikar á betri vegum milli bæjanna Blönduóss, Skagastrandar og Sauðárkróks skoðaðir. Betri vegir yfir Skagann milli þessara bæja fela óhjákvæmilega í sér jarðgangagerð.
- Er kostur á því út frá vegalengdum og áreiðanleika nýrra vega að bæirnir verði eitt atvinnusvæði?
- Með láglendisvegi milli Blönduóss og Sauðárkróks vaknar einnig spurningin hvaða áhrif það hafi á vegakerfið í heild vestan Eyjafjarðar.
- Hvaða tækifæri felur það í sér?
- Er hægt að fara í gegnum Tröllaskagann líka?
- Hvernig ætti framtíðarvegakerfið á þessu svæði að vera?
Málstofan fer fram klukkan 12:10 – 13:00 í stofu M201 á Sólborg og einnig í streymi.