Samhliða sveitarstjórnarkosningum á laugardaginn verður hægt að taka þátt í könnun á viðhorfi íbúa til tillagna að nafni á sameinað sveitarfélag Blönduósbæjar og Húnavatnshrepps. Könnunin fer fram á kjörstöðum á opnunartíma þeirra sem er frá klukkan 10 til 20. Niðurstöður könnunarinnar eru ekki bindandi og tekur ný sveitarstjórn ákvörðun um nýtt nafn þegar hún tekur til starfa.

Tillögurnar eru þrjár:

• Blöndubyggð
• Húnavatnsbyggð
• Húnabyggð

Þeir sem eiga ekki heimangengt á kjördag eða kjósa utankjörfundar geta tekið þátt í könnuninni með því að greiða atkvæði á skrifstofum sveitarfélaganna á hefðbundnum opnunartíma fram að kjördegi:

• Skrifstofa Blönduósbæjar er opin alla virka daga frá kl. 09:00-15:00
• Skrifstofa Húnavatnshrepps er opin mánudaga, þriðjudaga, fimmtudaga kl. 10-16 og föstudag kl. 10-12. Lokað er á miðvikudögum.