Hitaveitu er ekki að fá í nýtt iðnaðarhúsnæði í Húnabyggð. Hægt er að fá ný íbúðahús tengd við hitaveitu en ekki atvinnuhúsnæði. Þetta kemur fram í pistli Guðmundar Hauks Jakobssonar, forseta sveitarstjórnar Húnabyggðar, sem birtur var á Húnahorninu á laugardaginn. Guðmundur gagnrýnir RARIK fyrir að hafa ekki staðið við samkomulag sem fyrirtækið gerði við Blönduósbæ árið 2005 um að starfsstöðin á Blönduósi yrði efld.

Guðmundur spyr hvort verið sé að vinna hörðum höndum að því að afla meiri orku til að uppbygging geti átt sér stað. Hann telur svo ekki vera eða hann veit allavega ekki að svo sé enda viti hann ekki til þess að verið sé að leita af heitu vatni á svæðinu. Bendir hann á að íbúar sveitarfélagsins séu ekki upplýstir. „Hvenær má vænta þess að meira hitt vatn verið til afhendingar, það veit enginn,“ segir Guðmundur.

Þá spyr Guðmundur að því hvort einhverjir í höfuðstöðvum RARIK sé að reyna að leysa orkuvandann í Húnabyggð. „Samkvæmt mínum upplýsingum sem oddviti Húnabyggðar er svarið við því NEI.“