Apríl 2024 | ||||||
S | M | Þ | M | F | L | |
31 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 1 | 2 | 3 | 4 |
Fyrri | Núna | Næsti |
Holtavörðuh. | 03:49 | 0 | 0°C |
Laxárdalsh. | 03:49 | 0 | 0°C |
Vatnsskarð | 03:49 | 0 | 0°C |
Þverárfjall | 03:49 | 0 | 0°C |
Kjalarnes | 03:49 | 0 | 0°C |
Hafnarfjall | 03:49 | 0 | 0°C |
13. apríl 2024 Klúðrið er víðaKlúðrið og bullið er víða í samfélaginu okkar og er af mörgu að taka. Ætla ég að nefna aðeins nokkur atriði. Landsbankaklúðrið í kringum kaupin á TM. Alveg er það merkilegt þegar embættis- menn telja sig geta tekið ákvarðanir um hvað sem þeim dettur í hug. ::Lesa |
Íslenska hátækni- og nýsköpunarfyrirtækið Foodsmart Nordic er að hefja starfsemi á sviði fæðubótaefna á Blönduósi. Sérhannað húsnæði á Ægisbraut 2 er tilbúið og samtals nemur fjárfestingin á bilinu 500-600 milljónum króna í fasteign og tækjabúnaði. Um er að ræða fyrsta áfanga húsnæðisins á Blönduósi en stefnt er að frekari stækkun þegar fram í sækir. Tilraunaframleiðsla er þegar hafin og fyrirhugað er að formleg starfsemi hefjist á allra næstu mánuðum.
Stefnt að 150 tonna framleiðslu
Foodsmart Nordic framleiðir hágæða fæðubótaefni úr íslensku sjávarfangi sem áður fyrr fór forgörðum. Nýju framleiðslutækin munu skila úrvals hráefni í duftformi og nýtast við þurrkun á breiðu sviði af hráefnum. Í rannsóknarsetri félagsins á Skagaströnd er í dag framleitt kollagen, sæbjúgnaduft og fiskprótein úr íslenskum þorski. Mikill meðbyr er á ört vaxandi markaði fyrir fæðubótarefni í heiminum. Vart verður verulegs áhuga hjá innlendum sem erlendum aðilum á starfsemi félagsins og horfur á sölu ytra teljast vænlegar. Stefnt er að því að framleiða 150 tonn af endanlegum afurðum í þessum fyrsta áfanga fyrirtækisins á Blönduósi og verður framleiðslan gæðavottuð til útflutnings.
Fundið fyrir góðum stuðningi við verkefnið
Forsvarsmenn Foodsmart Nordic eru Katrín Amni Friðriksdóttir og Viðar Þorkelsson. Að þeirra sögn veitir staðsetningin á Blönduósi, sem tengir saman Norður- og Vesturland, félaginu gott aðgengi að hreinni raforku og gnægð af köldu vatni, ásamt nálægð við hreinsistöð. „Við munum að langmestu leyti byggja á heimafólki enda er gríðarleg þekking á landsbyggðinni sem gaman er að geta nýtt. Svo er hér frábært samfélag, allt þetta skiptir framleiðslufyrirtæki miklu máli. Við höfum fundið fyrir dyggum og góðum stuðningi við verkefnið í nærsamfélaginu, bæði hjá fjárfestum og öðrum samstarfsaðilum. Sérstaklega viljum við þakka öflugum hópi iðnaðarmanna og hönnuða á svæðinu sem hafa lagt verkinu lið með sérþekkingu sinni og elju,“ segja Katrín og Viðar.
Bein störf um 15 á næstu 2-3 árum
Þess er vænst að Foodsmart Nordic verði ein af burðarstoðum verðmætasköpunar á svæðinu til frambúðar, auki fjölbreytni í atvinnulífinu og samkeppnishæfni um búsetu. Bein störf á svæðinu í tengslum við reksturinn verða í kringum 15 á næstu 2-3 árum. Þá eru ótalin afleidd störf tengd núverandi uppbyggingu og svo viðskiptum til framtíðar, auk þess sem uppbygging nýsköpunarstarfsemi sem þessarar hefur almennt hvetjandi áhrif á nærumhverfið.
02. apríl 2023 Sjö leiðir til að létta þér þrifin í vor og sumarNú er vorið komið og sumarið framundan og þá er ekki úr vegi að koma með nokkur góð húsræða. ::Lesa |
03. febrúar 2023 Á ferðalagiGuðmundur var að spjalla við Tóta, bróður sinn í Kaliforníu. ::Lesa |