Hið árlega Styrktarsjóðsball verður haldið í Félagsheimilinu á Blönduósi laugardaginn 27. október n.k. og hefst kl. 23:00. Hin sívinsæla hljómsveit Geirmundar Valtýssonar leikur fyrir dansi eins og endranær. Miðaverð er kr. 2.500.

Vitað er til að Blönduósbær, Heilbrigðisstofnunin og Krákur verða með árshátíð sína þetta kvöld ásamt því að knattspyrnudeild heldur lokahóf sitt fyrir meistaraflokk þetta sama kvöld. Þannig að búast má við því að fjölmenni verði á ballinu en eins og allir vita þá rennur allur ágóði til Styrktarsjóðsins.