Aðventudagur foreldrafélags Grunnskólans á Blönduósi var í gær sunnudaginn 22. nóvember og var nokkuð góð mæting. Dagskráin var með nokkuð hefðbundnu sniði en hægt var að kaupa ýmislegt föndur, jólaskraut og piparkökur sem hægt var að skreyta á staðnum með glassúr. Tónlistaratriði voru í boði nemenda í Tónlistarskóla A-Hún.

Aðventudagurinn er dagur fyrir alla fjölskylduna, afa og ömmur og önnur viðhengi. Nemendur 10. bekkjar sáu um kaffisölu til fjáröflunar fyrir bekkinn og spil voru í boði fyrir þá sem ekki voru í föndurstuði. Myndirnar sem fylgja fréttinni tók Selma H. Svavarsdóttir.